Президент Мемлекеттік ту көтеру рәсіміне қатысты

Бүгін – Мемлекеттік рәміздер күні. Президент Қасым-Жомарт Тоқаев елордадағы «Атамекен» этно-мемориалды кешенінде өткен Мемлекеттік ту көтеру рәсіміне қатысты. «Елтаңба – елдігіміздің айшықты белгісі. Әнұран – азаттығымыздың айбынды үні. Көк Туымыз – Тәуелсіздік тұмары. Төбемізге көтеріп, қадір тұтатын осы үш рәмізді мемлекеттігіміздің мызғымас үштағаны десек, артық болмайды». Салтанатты жиында Президент осылай деп елді құттықтады Құрмет қарауылының бастығы салтанатты іс-шараға дайындығы туралы Президентке рапорт берді. Содан кейін еліміздің Әнұраны шырқалып, көк байрағымыз көтерілді «Ұлттық нышандарымызды қадірлеу – отаншылдық рухының ең биік өлшемі». Сөзін осылай бастаған Президент, Үкімет таяу арада мемлекеттік рәміздерді орынды пайдалану мәселесі бойынша қаулыға қажетті түзетулерді енгізетінін айтты. Рәміздердің мән-мағынасын тарқатып, құттықтауын жеткізді Қасым-Жомарт Тоқаев, Қазақстан Республикасының Президенті: «Қазір Қазақстанда берік орныққан президенттік басқару үлгісі Алтын Орда кезінде құрылған саяси жүйеден бастау алады». Президент тарихи шежіреге екпін түсіріп, елімізде жүргізіліп жатқан ауқымды реформаларға тоқталды.Қасым-Жомарт Тоқаев, Қазақстан Республикасының Президенті: Салтанатты рәсім барысында әскери институт пен академиялардың үздік түлектеріне «аға лейтенант» шені тапсырылды Мәди Қалмаханов, ҚР ҰҚК Шекара академиясының түлегі: Салтанатты шараға Үкімет пен Парламент мүшелері, қоғам қайраткерлері және ел азаматтары қатысты. Олар да мерекенің мән-маңызы мен рәміздердің ерекшелігін айтты.Тоқтар Әубәкіров, Қазақстанның тұңғыш ғарышкері: Рәміздер рухты көтеретін құрал. Патриотизмнің тұмары. Егемендіктің нышаны. Бостандық жырының бозжорғасы Несіпбек Айтұлыша айтсақ, «Бір кеудеге екі жүрек сыймайды, Қазақ үшін Отан жалғыз, Ту жалғыз»