Астанада Қазақстан мен Кипр президенттері шағын құрамдағы келіссөздер жүргізді

Қасым-Жомарт Тоқаев соңғы жылдары екі ел арасындағы екіжақты ынтымақтастық айтарлықтай нығая түскенін атап өтті «2019 жылы Сыртқы істер министрі қызметін атқара отырып, сіз Қазақстанға келіп, сенімді дос, белгілі бір мағынада еліміздің Еуропалық Одақтағы елшісі ретінде әрекет ететініңізді мәлімдеген едіңіз.Бүгінгі таңда айтарлықтай нәтижелерге қол жеткіздік деп сеніммен айтуға болады.Біз өз елдеріміздің астаналарында елшіліктер аштық, тікелей әуе рейстерін аштық, басқа да маңызды бастамаларды жүзеге асырдық деп ойлаймын. Екіжақты ынтымақтастықты одан әрі кеңейту үшін айтарлықтай әлеует бар, мен өз тарапымнан кең ауқымдағы әріптестікті одан әрі дамыту үшін бар күш-жігерімді салуға дайынмын», - деді Қазақстан Президенті Өз тарапынан Никос Христодулидес Қазақстанға келу мүмкіндігіне қанағаттанатынын айтып, ынтымақтастықты дамыту перспективаларына тоқталды «Мен үлкен бизнес делегациясының сүйемелдеуімен Кипрден алғашқы тікелей рейспен сіздің елге келгеніме қуаныштымын», - деді ол Екі елдің де әлеуеті зор екенін айта келе, бүгінгі келіссөздер екіжақты ынтымақтастықты кеңейтуге ықпал ететініне сенім білдірді "Сонымен қатар, мен Қазақстанға басқа мәртебемен келіп отырмын. Қазіргі уақытта менің елім Еуропалық Одақ Кеңесіне төрағалық етуде. Осы аймақтың, атап айтқанда Қазақстанның маңыздылығын ескере отырып, мен Еуропалық Одақ пен Қазақстан арасындағы өзара іс-қимылды одан әрі дамыту жолдарын талқылауға дайынмын", - деді Никос Христодулидес Бұдан бұрын хабарланғандай, Астанадағы Тәуелсіздік сарайында Қазақстан Президенті Қасым-Жомарт Тоқаев Қазақстанға сапармен келген Кипр Президенті Никос Христодулидисті қарсы алды