Кеңқияқтағы қайғылы оқиғадан кейін ауылдық округке жаңа әкім сайланды

Темір ауданының аумақтық сайлау комиссиясы сайлау қорытындысын жариялады. Кеңқияқ ауылдық сайлау округі бойынша небәрі 3649 сайлаушы тіркелген. Оның ішінде 2100-ден астам адам дауыс беруге қатысып, өз таңдауын жасады. Барлық кандидаттарға екі адам қарсы дауыс беріп, 10 бюллетень жарамсыз деп танылды Кеңқияқ ауылының әкімі лауазымына үш кандидат ұсынылды. Оның ішінде Қасымхан Шүркин 1449 дауыс жинады — Қасымхан Шүркин 1972 жылы туған, «Кеңқияқ-СК» КМК директоры. Ақтөбе облысы Темір ауданы Кеңқияқ ауылында тұрады. Оны «АМАНАТ» партиясы ұсынған, деп хабарлады Темір ауданының аумақтық сайлау комиссиясы Естеріңізге сала кетейік, Кеңқияқ ауылының әкімі Қуанышбек Серікжанов мамыр айының басында өз-өзіне қол жұмсаған болатын. 2014 жылдан бастап мемлекеттік қызметте жұмыс істеді. 2023 жылдың мамыр айынан бастап Темір ауданы Кеңқияқ ауылдық округі әкімінің орынбасары, 2023 жылдың 15 қазанынан бастап Кеңқияқ ауылдық округінің әкімі болып жұмыс істеді Ақтөбе облыстық ІІД баспасөз қызметінің хабарлауынша, суицид фактісі бойынша қозғалған қылмыстық іс тоқтатылды