Қазақстан полициясы бір айда 12 тонна жанар-жағармайдың заңсыз экспортын тоқтатты

Бүгінгі таңда мемлекеттік шекара арқылы 48 автокөлік өткізу пунктінде 59 патрульдік полиция бекеті жұмыс істейді. Жанар-жағар майларды заңсыз тасымалдауды, оның ішінде жол талғамайтын көліктерді пайдалануды анықтау және жолын кесу бойынша шаралар қабылдануда Шекаралас аймақтарда орналасқан Жамбыл, Түркістан және Маңғыстау облыстарына ерекше көңіл бөлінеді. Мұнда мұндай фактілердің жолын кесу және конструкциясы рұқсат етілмеген өзгертілген көліктерді анықтау бойынша қосымша шаралар қабылдануда Бұл ретте автокөліктерді заңсыз қайта жарақтандыруды жүзеге асыратын немесе қажетті тіркеу және рұқсат беру құжаттарынсыз жұмыс істейтін ТҚС қызметін анықтау бойынша жұмыстар жүргізілуде Осылайша, Қордай ауданы Қордай ауылында полиция қызметкерлері мемлекеттік кірістер органдарының өкілдерімен бірге қосымша жанармай цистерналарын орнатумен айналысатын 16 ТҚС тексерді. Тексеру нәтижелері бойынша алты меншік иесіне қатысты әкімшілік материалдар жиналды Тек соңғы айда полицейлер 12 тоннаға жуық жанар-жағармай экспортын тоқтатты. Конверттелген газ цистерналары бар 54 көлік анықталды. Олардың иелері әкімшілік жауапкершілікке тартылды Ішкі істер министрлігі мемлекеттің экономикалық қауіпсіздігін қамтамасыз ету, оның ішінде мұнай өнімдері мен жанар-жағармай материалдарын республикадан тыс жерлерге заңсыз әкетуге жол бермеу жөніндегі кешенді шараларды іске асыруды жалғастырады. Бұл жұмыс Ішкі істер министрінің бақылауында Бұған дейін Қазақстанда бопсалау фактілері 15 пайызға азайғаны хабарланған болатын