Қазақстан полициясы ШЫҰ елдерінің өтініші бойынша 345 қылмыскерді табуға көмектесті

Іс-шараға ШЫҰ елдерінің құқық қорғау органдарының басшылары, Интерпол Бас хатшылығының, ШЫҰ Хатшылығының және ТМД-ға мүше мемлекеттердің аумағында ұйымдасқан қылмыспен және қылмыстың басқа да қауіпті түрлерімен күресті үйлестіру бюросының өкілдері қатысты Форум аясында Қырғызстан Президенті Садыр Жапаров делегация басшыларымен және халықаралық ұйымдар өкілдерімен кездесті Қазақстандық делегацияны Ішкі істер министрі Ержан Сәденов басқарды Кездесудің басты тақырыбы – құқық қорғау органдарының трансұлттық ұйымдасқан қылмыспен, есірткі бизнесімен, экстремизммен, терроризммен және киберқылмыспен күресудегі ынтымақтастығын кеңейту. Қатысушылар цифрлық технологиялар мен жасанды интеллект арқылы жасалған қылмыстармен күреске ерекше назар аударды Ержан Сәденовтың айтуынша, 2026 жылы ШЫҰ-ға мүше елдердің өтініші бойынша Қазақстан полициясы 345 қылмыскерді іздестірген. Өз кезегінде Қазақстан бойынша ШЫҰ елдерінің аумағында іздеуде жүрген 49 адам ұсталып, құқықтық көмек көрсету туралы 366 өтініш орындалды Сонымен қатар, құқық қорғау органдары есірткіні өндірумен және сатумен айналысқан үш трансұлттық ұйымдасқан қылмыстық топтың әрекетінің жолын кесті Отырыс қорытындысы бойынша ШЫҰ-ға мүше мемлекеттердің құзыретті органдары арасындағы ынтымақтастықты, бірлескен операцияларды, тәжірибе алмасуды және өзара іс-қимылды нығайтуды одан әрі дамытуды көздейтін хаттамаға қол қойылды Шара аясында Ержан Сәденов Пәкістанның Ішкі істер министрі Мохсин Наквимен және Үндістанның Ішкі істер мемлекеттік министрі Нитянанда Раймен екіжақты кездесулер өткізді Бұған дейін Қазақстан интернет-алаяқтықпен күресу үшін ШЫҰ платформасын құруды ұсынған болатын