Алматы полициясы тұрғын үйдің жертөлесінен жерасты есірткі плантациясын анықтады

Алматыда полицейлер тұрғын үйдің жертөлесінде ұйымдастырылған құрамында есірткі бар өсімдіктерді заңсыз өсірудің жолын кесті, деп хабарлайды Polisia.kz «Тексеру жүргізуге «102» пультіне есірткі заттарының иісіне ұқсас иістің пайда болуы туралы хабарлама келіп түскен.Тексеру барысында оқиға орнына келген полиция қызметкерлері арнайы техниканы пайдалана отырып, жер асты есірткі плантациясын ұйымдастырып, тыйым салынған өсімдіктерді өсіруге жасанды жағдай жасау белгілерін анықтады.Жедел іздестіру шараларының нәтижесінде жеке тұлғалар анықталды. Жедел-іздестіру шаралары барысында қарасораға ұқсас ондаған бұталар, сондай-ақ өсімдік тектес кептірілген зат табылып, тәркіленді», - делінген хабарламада Сондай-ақ, полицейлер өсіру және сатуға дайындау үшін пайдаланылатын жабдықтарды: жарықтандыру құрылғыларын, электронды таразыларды, вакуумды тығыздағышты және температураны бақылау құрылғыларын тәркіледі "Құрамында есірткі бар өсімдіктерді заңсыз өсіру есірткіні одан әрі таратуға бағытталған қылмыстық тізбектің бір сатысы болып табылады. Полиция қызметкерлерінің дер кезінде ден қоюы мен жедел жұмысының арқасында бұл факт анықталып, жолын кесті", - деп атап өтті Алматы қалалық ІІД Есірткі қылмысына қарсы күрес басқармасының бастығы Батұржан Әбдумассаров Күдіктілер полицияға жеткізілді. Сотқа дейінгі тергеу амалдары жүргізілуде Informburo.kz сайтынан сәйкес тақырыптар бойынша жаңалықтар мен материалдар