Астанаға келген шетелдік туристердің 40 пайызға жуығы Ресей азаматтары

Іс-шара ағымдағы жылдың мамыр айында Омбы, Новосібір және Екатеринбург қалаларында ұйымдастырылған роуд-шоулар сериясының жалғасы болды. Роуд-шоудың негізгі мақсаты – екі елдің туристік қауымдастықтары арасындағы ынтымақтастықты нығайту, іскерлік байланыстарды кеңейту және туристік ағындарды арттыру — Ресей Астана үшін негізгі кіру туризмі нарығы болып қала береді — елордаға келген барлық шетелдік қонақтардың шамамен 39%-ын Ресейден келген туристер құрайды. Біздің елордамыз бүгінде Орталық Азиядағы ең қарқынды дамып келе жатқан қалалардың бірі болып табылады. Астана ыңғайлы көлік қолжетімділігімен және өсіп келе жатқан халықаралық маршруттар желісімен Еуропа мен Азия арасындағы маңызды аймақтық хабқа айналуда», - деді «Астана Туризмді дамыту орталығы» ЖШС басқарма төрағасының орынбасары Саят Құсайынов Іскерлік бағдарлама аясында қатысушыларға Астананың туристік әлеуеті, оның ішінде қаланың туристік индустриясын дамытудың негізгі бағыттары туралы презентация ұсынылды. Іскерлік саяхат пен демалысты, сондай-ақ медициналық, өндірістік, мәдени-сауықтық, сауықтыру және гастрономиялық туризмді, шопинг-турлар мен іс-шараларды біріктіретін b-leisure сегментіне ерекше назар аударылды Ресейлік әріптестерге жақын арада Астанада өтетін ірі халықаралық іс-шаралардың күнтізбесі көрсетілді. Олардың қатарында Леонардо да Винчи мұрасына арналған көрме, Comic Con Astana 2026 гек және поп-мәдениет халықаралық фестивалі, «Болашақ ойындары 2026» көпспорттық турнирі, Энрике Иглесиастың концерті және BaiQymyz ұлттық тағамдар мен қымыз фестивалі бар. Сондай-ақ іс-шараға қатысушыларға елорданың басты көрікті жерлері, туристік инфрақұрылымның дамуы және ресейлік нарыққа бағытталған дайын туристік өнімдер туралы айтылды Сонымен қатар, астаналық туристік қауымдастық өкілдерінің презентациялары және ресейлік әріптестермен B2B кездесулері өтті. Тараптар алдағы өзара іс-қимыл, бірлескен жобаларды жүзеге асыру және туризм саласындағы серіктестікті кеңейту перспективаларын талқылады Бұған дейін Қазақстан мен Ресейдің Белуха таулы аймағында туризмді жеңілдетуді қалайтыны хабарланған болатын