Неліктен Қазақстан көпвекторлы саясатты ұстанады – сараптамалық пікір

Спикердің айтуынша, Қазақстанның географиялық орналасуы елге көпвекторлы саясаттан басқа таңдау қалдырмайды — 1994 жылы біз жас дипломаттар ретінде Қазақстанның сыртқы саясатының бірінші тұжырымдамасын әзірлеу кезінде алдымызға еліміздің картасын қойдық. Содан кейін бізде көпвекторлы саясаттан басқа жол жоқ екенін түсіндік. Бұл ұстаным бүгінгі күні де өзектілігін жойған жоқ. Әйтпесе, мемлекетіміздің аумағы үлкен болғанымен, халықаралық үдерістерге ықпалымызды жоғалтуымыз мүмкін. Сондықтан көпвекторлы саясат Қазақстан үшін ең дұрыс бағыт», – деді Қайрат Сарыбай Сарапшы халықаралық қатынастар жүйесі әртүрлі кезеңдерде өзгерістерге ұшырайтынын атап өтті. Оның пікірінше, қазіргі әлемде орын алып жатқан геосаяси шиеленістер уақытша құбылыс болғанымен, олардың негізгі себебі халықаралық құқықтық нормаларды сақтамаумен байланысты — Елбасымыз тарих осы уақытқа дейін соғыстар тарихы болды деді. Мен оның ойымен бөлісемін, енді бізге тарихты кейінгі ұрпаққа жаңа көзқарастар беретін, адамзатқа пайда әкелетін жаңа өркениеттік тәсілдер арқылы қайта қарау керек. Халықаралық қатынастардың да құбылмалы кезеңдері болады: кейде қақтығыстар күшейеді, кейде бейбітшілік кезеңдері қайта оралады. Бірақ егер мемлекеттер, әсіресе ірі державалар халықаралық құқыққа немқұрайлы қарайтын болса, әлемдегі жағдайды тұрақтандыру қиынға соғады, деді Қ.Сарыбай Спикер Қазақстанның басты мақсаты Орталық Азия мен Еуразиядағы тұрақтылыққа үлес қосу екенін атап өтті «Егер біз өз өңірімізде бейбітшілікті қамтамасыз етуге үлес қоссақ, бұл барлық адамдарға пайдалы болады». Қазақстанның ең үлкен байлығы – халқы мен халқының тыныштығы. Қазақ халқы ешқашан жат жерге қарап көрген емес. Ата-бабамыздан қалған жер бізге жетеді. Сондықтан осы жерді игеріп, қантөгіссіз сақтап қалу – басты міндет», – деді АӨСШК Бас хатшысы Оның ойынша, бұл мақсатқа жетуде дипломатияның алатын орны ерекше — Бұл үшін дипломатия бар, алдын ала келіссөздер жүріп жатыр. Қазақстанның күші осында. Еліміздің тәуелсіздік жылдарындағы сыртқы саясаты сабақтастықты сақтай отырып дамып келеді. Біз халықаралық ұйымдарға кіріп, кейін олардан шығатын мемлекеттердің бірі емеспіз. Қазақстан сыртқы саясатта әрқашан дәйектілік танытып келеді, деді Қайрат Сарыбай АӨСШК Бас хатшысы Қазақстанның халықаралық бастамалары жаһандық деңгейде мойындалғанын да атап өтті — Қазақстан Еуразия мен Азия кеңістігінде, түркі әлемінде өз ұстанымын нақты істерімен дәлелдей білді. Еліміз халықаралық ұйымдардың жұмысына белсене қатысып қана қоймай, Азиядағы өзара іс-қимыл және сенім шаралары кеңесі сияқты маңызды бастамаларды алға тартып, оларды сәтті жүзеге асыруда, деп түйіндеді сөзін дипломат Қайрат Сарыбай Қазақстанның халықаралық аренадағы бейтарап ұстанымы туралы да өз пікірін білдірді