Пиготт: Ливан мен Израиль арасындағы атысты тоқтату 45 күнге ұзартылды

Ливан мен Израиль арасында 16 сәуірде енгізілген атысты тоқтату келісімі 45 күнге ұзартылады Бұл туралы «X» әлеуметтік желісінде АҚШ Мемлекеттік департаментінің баспасөз хатшысы Томми Пиготт жазды "АҚШ 14-15 мамырда Израиль мен Ливан арасындағы екі күндік өте нәтижелі келіссөздерді қабылдады. 16 сәуірде бекітілген атысты тоқтату одан әрі ілгерілеуді қамтамасыз ету үшін 45 күнге ұзартылады. Мемлекеттік департамент 2 және 3 маусымда келіссөздердің саяси бағытын қайта бастайды. Сонымен қатар, 29 мамырда екі елдің әскери делегациясының қатысуымен Пентагонда қауіпсіздік желісі іске қосылады", - деп жазды ол Мемлекеттік департамент өкілі бұл талқылаулар екі ел арасында берік бейбітшілік орнатуға, екі мемлекеттің егемендігі мен аумақтық тұтастығын толық тануға, сондай-ақ олардың ортақ шекарасында нақты қауіпсіздікті қамтамасыз етуге септігін тигізетініне үміт білдірді Еске сала кетейік, 2026 жылы 28 ақпанда АҚШ пен Израиль Иранға қарсы әскери операциясын бастап, бірқатар қалаларға әуеден соққы берген болатын. Иранның рухани көсемі Әли Хаменеи сол күні соққының салдарынан қаза тапты. Бұған жауап ретінде Иран Израиль аумағына зымырандық соққы беріп, Парсы шығанағы елдеріндегі американдық әскери базаларға шабуыл жасады Хизболла Иранмен соғысып, Израильге зымырандар мен ұшқышсыз ұшақтарды атқылаған соң, Израиль қорғаныс күштері радикалдық топтың инфрақұрылымы орналасқан Ливанның оңтүстігі мен Бейруттің оңтүстік маңындағы аудандарына соққы берді. Израиль де Ливанның оңтүстігіндегі жерүсті операциясын кеңейтті Сәуірдің 8-іне қараған түні Иран, АҚШ және олардың одақтастары екі апталық атысты тоқтату туралы келісімге келді.Кейін АҚШ президенті Дональд Трамп атысты тоқтатуды белгісіз уақытқа ұзартты 14 сәуірде Вашингтонда Америка Құрама Штаттарының қамқорлығымен Ливан-Израиль байланыстарының бірінші кезеңі өтті. Атысты тоқтату туралы келісімге қол жеткізу үшін бейбіт келіссөздердің басталу күнін анықтау керек болды. Делегацияларды Ливан мен Израильдің АҚШ-тағы елшілері бастап барды 16 сәуірде АҚШ президенті Дональд Трамп Израиль мен Ливан 10 күндік атысты тоқтату туралы келісімге келгенін хабарлады Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет