Қазақстанда жер қойнауын зерттеудің пилоттық IT жобасы іске қосылып жатыр

Серіктестіктің басты назары – халықаралық озық тәжірибемен алмасу және көмірсутектер бойынша мұрағаттық геологиялық ақпаратты цифрландыру. Құжат мамандарды бірлесіп оқыту және жер қойнауының іргелі талдауын жүргізу үшін орнықты платформа жасайды Меморандумның практикалық өзегі заманауи географиялық ақпараттық жүйені (ГАЖ) дамыту бойынша пилоттық жобаны іске қосу болады. Бұл цифрлық платформа жинақталған тарихи геологиялық деректерді терең өңдеуге және түсіндіруге мүмкіндік береді. Цифрландыру республиканың ресурстық әлеуетін түсінуді айтарлықтай кеңейтеді және саланың инвестициялық тартымдылығын күшейтеді деп күтілуде — Меморандумға қол қою – мемлекеттік органдар, ұлттық институттар және халықаралық серіктестер арасындағы ынтымақтастықты нығайтудағы маңызды қадам. Қазақстан үшін геологиялық барлаудың тиімділігін арттыру, оның ішінде цифрлық технологиялар мен геологиялық деректермен жұмыс істеудің заманауи тәсілдерін белсенді енгізу арқылы басымдық болып табылады. Білімді, тәжірибені және технологиялық шешімдерді біріктіру бізге елдің ресурстық әлеуетін тиімдірек ашуға және саланың жүйелі дамуын қамтамасыз етуге мүмкіндік береді», - деді Қазақстан Республикасы Энергетика вице-министрі Ерлан Акбаров Өз кезегінде еліміздің геологиялық базасының мамандандырылған операторы технологиялық интеграцияның маңыздылығын растады — Ұлттық геологиялық қызмет Қазақстанда ашық және заманауи геологиялық платформаны дәйекті түрде дамытуда. Shell сияқты халықаралық серіктестермен өзара іс-қимыл көмірсутектердің геологиялық деректерінің аналитикалық және интерпретациялық базасын нығайтуға және жер қойнауын пайдалану саласында қабылданатын шешімдердің сапасын арттыруға мүмкіндік береді, деп атап өтті «Ұлттық геологиялық қызмет» АҚ басқарма төрағасы Ерлан Ғалиев Шетелдік концерн өкілдері қазақстандық тау-кен өнеркәсібіне жаһандық IT-құралдардың интеграциясын да жоғары бағалады — Меморандумға қол қою, оның ішінде тарихи геологиялық деректерді өңдеу және интерпретациялау үшін цифрлық платформаны әзірлеу бойынша пилоттық жобаны жоспарлау Shell компаниясының Қазақстан Республикасымен ұзақ мерзімді ынтымақтастыққа бейілділігін растайды. Біз Қазақстанның экономиканы цифрландырудың стратегиялық басымдығын қолдаймыз және компаниямыздың озық технологиялары мен әлемдік тәжірибесін пайдалану көмірсутектер саласындағы геологиялық барлау жұмыстарының тиімділігін арттыруға ықпал ететініне сенеміз», - деп түсіндірді Сюзанна Куган, аға вице-президенті және Қазақстандағы Shell компаниясының төрағасы Бұған дейін Қазақстанда жасанды интеллект арқылы жер қойнауының интерактивті картасы жасалғаны хабарланған болатын