Пезешкян: АҚШ пен Израиль келіссөздер барысында тағы да шабуыл жасауы мүмкін

Иран президенті Масуд Пезешкян мен Беларусь президенті Александр Лукашенконың телефон арқылы сөйлесуінде аймақтық қауіпсіздік және екіжақты ынтымақтастық мәселелері талқыланды. Кездесуде Пезешкян Иранның дағдарыстарды шешуде әрқашан дипломатияға басымдық бергенін, бірақ келіссөздер үдерістерінің шабуылдардың көлеңкесінде қалғанын мәлімдеді Пезешкян Теһранның жауапкершілік сезімімен әрекет ететінін баса айтқанымен, ол өткен тәжірибелер Вашингтон мен Тель-Авивке деген сенімді жойғанын айтты: "Иран өзінің жауапкершілік сезімі аясында дауларды диалог пен дипломатия арқылы шешу талпыныстарын үнемі күн тәртібінде ұстады. Дегенмен келіссөздер барысында АҚШ пен Израиль Иранға екі рет шабуыл жасады. Мұндай әрекеттің қайталану мүмкіндігі бар" Иран Президенті бұл шабуылдардың АҚШ-қа ел ішіндегі сенімнің толық жоғалуына себеп болғанын ерекше атап өтті Беларусь президенті Александр Лукашенко аймақтағы шиеленістің әлемдік қауіпсіздік пен экономикаға кері әсері туралы алаңдаушылықпен бөлісті. Даулардың диалог және келіссөздер арқылы шешілетініне үміттенетінін білдірген Лукашенко өзара сенім орнатпай тұрақты нәтижеге қол жеткізу мүмкін еместігін айтып, тараптар арасында сенім орнатуға күш салудың маңыздылығына тоқталды Кездесу соңында екі ел басшылары екіжақты қарым-қатынастардың қазіргі жағдайына баға беріп, ортақ мүдделер аясында ынтымақтастықты кеңейтіп, консультацияларды күшейту керек деген ортақ пікірге келді