Пашинян Әзірбайжанмен шекараны делимитациялау туралы

Армения мен Әзірбайжан арасындағы шекара 1991 жылғы Алматы декларациясы негізінде делимитацияланады. Бұл туралы журналистердің сұрақтарына жауап берген Армения премьер-министрі Никол Пашинян мәлімдеді, деп хабарлайды армян БАҚ Пашинянның айтуынша, заң тұрғысынан мәселе шешілді, өйткені 2024 жылы екі ел де Алматы декларациясы негізінде шекараны делимитациялау комиссияларының бірлескен жұмысы туралы ережені ратификациялады Декларацияға сәйкес КСРО-ның бұрынғы одақтас республикаларының әкімшілік шекаралары ТМД елдерінің мемлекеттік шекарасы болды. Армения мен Әзірбайжан бұл құжатты ратификациялап, оған заң күшін берді "Сондықтан мәселе осылай шешілуі керек және шешілетін болады және оған еш күмән жоқ. Егер делимитациялау барысында тараптар өзара қолайлы шешімдерді, оның ішінде шекара сызығын жеке өзгертуді де тапса, мұның барлығы мүмкіндігінше ашық түрде жұртшылыққа ұсынылады", - деді Пашинян Ол сондай-ақ делимитация процесі кезең-кезеңімен – солтүстіктен оңтүстікке қарай, Армения-Әзербайжан шекарасының Грузиямен түйіскен жерінен Иранмен шекараға дейін өтетінін растады. Оның айтуынша, жекелеген учаскелер бекітілгеннен кейін шекараны демаркациялау бойынша тиісті жұмыстар жүргізілетін болады Бұған дейін Пашинян сондай-ақ қажет болған жағдайда халықаралық маңызы бар коммуникацияларды қамтитын Трамп маршруты жобасы (TRIPP) өтуі тиіс шекараның оңтүстік бөлігін басымдық ретінде делимитациялауға болатынын мәлімдеді