Талдықорғанда әкесі үш жасар баласын ұрып-соғып, төрт жылға бас бостандығынан айырылды

Үш жасар балаға қатыгездік көрсеткен Талдықорған тұрғыны төрт жылға бас бостандығынан айырылды. Іс бойынша үкімді қалалық сот шығарды Оқиға ақпанның 2-сі күні болған. Содан кейін емдеу мекемесінен үш жасар баланың түрлі жарақаттармен ауруханаға жатқызылғаны туралы хабарлама келіп түскен Ақпарат түскен соң полиция қызметкерлері оқиға орнына барып, оқиғаның мән-жайын анықтап, күдіктіні ұстады. Құқық қорғау органдарының мәліметінше, ол баланың әкесі болып шықты. Ұсталған кезде ер адамның мас болғаны атап өтілді Зардап шеккен балаға қажетті медициналық көмек көрсетілді. Осыдан кейін құқық қорғау органдары сотқа дейінгі тергеуді бастады Жетісу облыстық полиция басқармасының мәліметінше, қылмыстық іс азаптау және ұрып-соғу фактілері бойынша тергелді. Тергеу аяқталғаннан кейін материалдар айыптау қорытындысымен бірге сотқа жіберілді "Оқиға 2 ақпанда орын алған. Жедел іздестіру шаралары барысында күдіктіні полиция қызметкерлері анықтап, ұстады. Бұл факті бойынша азаптау және ұрып-соғу фактілері бойынша сотқа дейінгі тергеу амалдары жүргізілді. Тергеу қорытындысы бойынша қылмыстық іс айыптау қорытындысымен сотқа жіберілді. Талдықорған қалалық сотының 29 мамырдағы үкімімен сотталушы төрт жылға бас бостандығынан айырылды", - делінген хабарламада. полиция айтты