G7 саммитіне OpenAI, Anthropic және Google DeepMind басшылары қатысады

G7 саммиті 15-17 маусым аралығында Францияның Эвиан-ле-Бен қаласында өтеді. Елисей сарайы жариялаған қатысушылар тізіміне сәйкес іс-шараға OpenAI басшысы Сэм Альтман, Anthropic бас директоры Дарио Амодей және Google DeepMind басшысы Демис Хассабис шақырылды, деп жазады Bloomberg Іс-шара ірі жасанды интеллект әзірлеушілерінің жетекшілері бір уақытта жиналатын бірнеше платформалардың бірі болмақ. Компаниялар арасындағы бәсекелестікке қарамастан, олар бүкіл салаға қатысты мәселелерді талқылауға мәжбүр болады Агенттіктің хабарлауынша, G7 елдерінің көшбасшылары жасанды интеллект мүмкіндіктері, оны реттеу, сондай-ақ қоғам мен еңбек нарығы үшін ықтимал салдарлар туралы технология секторының өкілдерімен пікір алмасуға ниетті G7 құрамына АҚШ, Ұлыбритания, Германия, Франция, Италия, Канада және Жапония кіреді. Қауымдастық жұмысына Еуропалық Одақ та қатысады Ірі AI компаниялары басшыларының көпшілік алдында бірлесіп шығуы сирек болатыны атап өтілді. Олар жасанды интеллекттің озық технологияларын жасауда және жаңа тілдік үлгілерді жасауда бір-бірімен белсенді бәсекелеседі Бұған дейін Франция президенті Эммануэль Макрон G7 саммитінің арнайы сессияларының бірі Иран төңірегіндегі жағдайға арналатынын айтқан. Талқылауға Египет, Сауд Арабиясы, Катар және БАӘ басшылары қатысады. Қатысушылар Ормуз бұғазындағы кеме қатынасының қауіпсіздігін, сондай-ақ Тегеранмен келіссөздер перспективаларын қарастырады Макронның айтуынша, саммит аясында Солтүстік пен Оңтүстік елдері арасындағы әріптестікті дамытуға арналған конференция да өтеді. Оған Оңтүстік Корея, Үндістан, Кения және Бразилиядан өкілдер қатысады деп күтілуде. Сонымен қатар, кездесуге Қытайдың өкілдері шақырылған