Батыс Қазақстан облысының өңірлік делегациясы мұнай-химия өндірісінің озық тәжірибесімен танысты

Екі мың жылдан астам тарихы бар қала Қытайдың солтүстік-шығысындағы Бохай шығанағының жағалауында орналасқан. Қазір мұнда 3 миллионға жуық адам тұрады. Цзиньчжоу өзінің стратегиялық орналасуымен және ірі теңіз портымен маңызды халықаралық көлік-логистикалық хабқа айналып, құрлықта және теңізде тасымалдауда маңызды рөл атқарады, сонымен қатар ірі сауда орталығы ретінде белсенді дамып келеді Сапар барысында облыс өкілдері бірқатар өнеркәсіп орындарын аралап, өндірістің озық технологияларымен танысты. Алғашқы екіжақты кездесу PetroChina Jinzhou Petrochemical Company алаңында өтті. Кәсіпорынның атқарушы директоры Юань Цинбин зауыттың даму тарихы мен өндірістік әлеуетін таныстырды Жылдық табысы 30 миллиард юаннан асатын компанияда 6 мыңнан астам адам жұмыс істейді. Мұнай-химиялық кешен электрлі көліктерге арналған аккумуляторларды өндіруде және металлургия өнеркәсібінде сұранысқа ие жоғары берік көміртекті материалдарды өндіруде әлемдік көшбасшы болып табылады. Сондай-ақ компания смартфондар мен компьютерлік микрочиптерді тазалау үшін қолданылатын G3 және G5 маркалы электронды өнеркәсіптік спиртті шығарады, бұл Қытайға импортқа тәуелділігін айтарлықтай азайтуға мүмкіндік берді. Компания цифрлық шешімдерді белсенді түрде енгізуде және толық автоматтандырылған өндірістік процестерге ие Жиын барысында Батыс Қазақстан облысы әкімінің орынбасары Тілепберген Каюпов өңірдің инвестициялық әлеуетін таныстырып, өңір экономикасын әртараптандырудың маңыздылығын атап өтті — Биылғы жылдың төрт айының қорытындысы бойынша негізгі капиталға құйылған инвестиция көлемі 182,6 миллиард теңгені құрап, 2025 жылдың сәйкес кезеңімен салыстырғанда 17 пайызға жоғары. Бұл көрсеткіштерді одан әрі арттыруға облыста толық мүмкіндік бар. Батыс Қазақстан облысы Қытайдың бес провинциясымен тығыз байланыс орнатқан. Бір күн бұрын облыстың әкімшілік орталығы мен Цзиньчжоу қаласы туысқан қалаға айналды. Бұл қадам екіжақты ынтымақтастық пен іскерлік байланыстарды дамытуға жаңа серпін беретініне сенімдімін», - деді Тілепберген Қаюпов Кездесу қорытындысы бойынша тараптар алдағы өзара іс-қимылға дайын екендіктерін білдірді және бірлескен жобаларды жүзеге асыру мүмкіндіктерін егжей-тегжейлі пысықтауға келісті