Семейде әкім аппаратының жаңа басшысы тағайындалды

Еркебұлан Серікқалиұлы 1993 жылы Алматы облысы, Қонаев қаласында дүниеге келген. Жоғары білімі бар. 2013 жылы М.Әуезов атындағы педагогикалық колледжін «Шет тілі» мамандығы бойынша, 2016 жылы Семей қаласының Шәкәрім атындағы университетін «Шет тілі: екі шет тілі» мамандығы бойынша тәмамдаған. Сондай-ақ Семей қаласындағы Шәкәрім атындағы университетте «Менеджмент» мамандығы бойынша магистратураны аяқтап, 2022–2025 жылдары Л.Н.Гумилев атындағы Еуразия ұлттық университетінде докторантурада оқыды Еңбек жолын 2012 жылы Шығыс Қазақстан облысы «Сана» жастар қоғамдық бірлестігі төрағасының орынбасары болып бастаған. Осы жылдар ішінде Семей қаласының Шәкәрім атындағы университеті мен «Қайнар жоғары колледжі» ЖШС оқытушысы болып жұмыс істеді, Шығыс Қазақстан облысының «Қазақстан жастарын қолдау» жастар қоғамдық бірлестігінің төрағасы, «Саржал Агро» ЖШС директоры, Абай ауданы бойынша еңбек ұтқырлығы орталығының директоры қызметтерін атқарды 2026 жылдың сәуір айынан қазіргі уақытқа дейін «Абай облысы Семей қаласы әкімінің аппараты» мемлекеттік мекемесінің ұйымдастыру-инспекторлық жұмысы бөлімінде қала әкімінің бас инспекторы қызметін атқарды Естеріңізге сала кетейік, Павлодар облысында цифрландыру басқармасының жаңа басшысы тағайындалды