Неврологиялық науқастардың көбеюі мамандарды алаңдатып отыр

Қазақстанда жүйке жүйесі ауруларына шалдыққандар көбейіп барады. Мәселен, ересектер арасында паркинсон, инсульт, деменциямен ауыратындар жиілеген. Ал балалар арасында эпилепсия мен сал ауруына шалдыққандар 15 пайызға өскен. Мұнымен қалай күреспек керек? Өкінішке қарай, соңғы уақытта елде паркинсон дертіне шалдыққандар саны артқан. Сондай-ақ инсульт, эпилепсия, деменция яғни ұмытшақтық дерті мүгедектіктің өсуіне себеп болып отыр Латина Текебаева, ҚР Денсаулық сақтау министрлігінің штаттан тыс балалар неврологы: Балалар арасындағы статистика да көңіл көншітпейді. Қазақстанда соңғы 3 жылда мүгедектікке әкелетін аурулар саны 15 %-ға көбейген. 17 мың бала сал аурына шалдықса, эпилепсиямен ауыратындар саны 24 мыңнан асты. Дерттің осы түрі әсіресе Түркістан, Алматы, Жамбыл облыстары мен Алматы және Шымкент қалаларында жиі кездеседі Қазақстан Дүниежүзілік денсаулық сақтау ұйымымен бірге неврологиялық аурулармен күресті күшейтіп жатыр. Ұйымның 2031 жылға дейінгі жаһандық жоспарын өз стратегиясына енгізді Тарун Дуа, ДДСҰ Женевадағы бас кеңсесінің өкілі: Мамандар эпилепсиямен ауыратын адамдардың 70%-ы дұрыс күтім жасалса, ауруын толық бақылауда ұстай алатынын айтады. Бірақ кей елдер мен шалғай мекендерде науқастардың 75%-на сапалы ем әлі де қолжетімсіз болып отыр деді Бүгінде жүйке жүйесі ауруларының көп таралуы Қазақстанды ғана емес, әлем елдерін алаңдатып отыр. Мәселен, Еуропада 549 миллионнан астам адам неврологиялық дертпен өмір сүреді. Бұл аурулар жүрек пен қатерлі ісіктен кейінгі өлім-жітімнің негізгі себебі болып отыр. Орталық және Шығыс Еуропада инсульт қаупі жоғары болса, Батыс Еуропада альцгеймер, яғни деменция дерті жиі кездеседі. Кей деректер бойынша, бұл аурулардың экономикалық зардабы - жүрек, қатерлі ісік және қант диабетінің еміне жұмсалатын шығыннан да көп