Медициналық және фармацевтикалық бақылау комитетінің Қызылорда облысы бойынша департаментіне жаңа басшы тағайындалды

Облыс әкімі Мұрат Ергешбаевтың төрағалығымен кадрлық өзгерістерге арналған жиын өтті. Онда Денсаулық сақтау министрлігі аппарат басшысының бұйрығымен Медициналық және фармацевтикалық бақылау комитетінің Қызылорда облысы бойынша департаментінің басшысы қызметіне тағайындалған Жақсылық Жанерке Алмасқызы таныстырылды Облыс әкімі жаңа басшыға өңірдегі дәрілік заттар мен медициналық бұйымдардың айналымына тиімді бақылауды қамтамасыз етуді, сондай-ақ медициналық қызметтердің сапасы мен қолжетімділігін арттыру бойынша жұмыс жүргізуді тапсырды Жанерке Жақсылық 1992 жылы Қызылорда қаласында дүниеге келген. Марат Оспанов атындағы Батыс Қазақстан мемлекеттік университетінде «Емдеу ісі» және «Жалпы медицина» мамандықтары бойынша білім алған Еңбек жолын 2017 жылы Қызылорда қаласы No3 қалалық емханада дәрігер болып бастаған. Одан кейінгі жылдары бір емханада бөлім меңгерушісі, учаскелік дәрігер, бас дәрігердің орынбасары қызметтерін атқарды 2023 жылдан осы уақытқа дейін Медициналық және фармацевтикалық бақылау комитетінің Қызылорда облысы бойынша департаменті басшысының орынбасары қызметін атқарды Естеріңізге сала кетейік, Бекболат Молдабеков Қазақстан Республикасының Ұлттық экономика вице-министрі болып тағайындалды