Үстеме 86%-ға жетті: «Алтын Ордадағы» жеті делдал жеткізу тізбегінен шығарылды

«Алтын Орда» базарында жеті тиімсіз делдал жеткізілім тізбегінен шығарылды. Бұған дейін 13 сауда субъектісіне жоспардан тыс тексеру жүргізілді, деп хабарлады ҚР Сауда және интеграция министрлігі Әлеуметтік маңызы бар азық-түлік тауарларының бағасын бақылау кезінде бұзушылықтар анықталды. Министрліктің мәліметінше, «Омаров» жеке кәсіпкері, «Айсберг дистрибьюшн» ЖШС және «Ар Диас» ЖШС өнімдерді арзан бағамен сатып алып, кейін оларды 17 пайыздан 86 пайызға дейін негізсіз үстемемен сауданың басқа қатысушыларына қайта сатқан. Осы фактілер бойынша жоспардан тыс тексерулер тағайындалды. Бұдан кейін тәртіп бұзушылар әкімшілік жауапкершілікке тартылып, айыппұл салынды Алматы облысында жыл басынан бері 171 сауда субъектісіне қатысты 643 әкімшілік хаттама толтырылған. Айыппұлдың жалпы сомасы 3,4 миллион теңгеден асты. Хаттамалардың басым бөлігі – 467-сі әлеуметтік маңызы бар өнімдерге шекті сауда үстемесін асырғаны үшін шығарылған. Сауда қызметі туралы заңнаманы басқа да бұзушылықтар бойынша тағы 176 хаттама толтырылды Сондай-ақ тексерулер бір бөлшек сауда желісі, бір көтерме сауда алаңы және 11 сауда субъектісінің 40%-дан 203,8%-ға дейін негізсіз үстемелерді қолданғанын көрсетті Қазір облыста өндірушілер мен ірі жеткізушілердің тізімі қалыптастырылды. Мемлекеттік кірістер органдарынан келіп түскен электрондық шот-фактураларды талдау арқылы делдалдық схемаларды анықтау бойынша жұмыс жалғасуда «Қабылданған шаралар тауарларды жеткізу тізбегінің ашықтығын қамтамасыз етуге, бағаның негізсіз өсуіне жол бермеуге және тұтынушылардың мүдделерін қорғауға бағытталған», - деп толықтырды департамент Informburo.kz сайтынан сәйкес тақырыптар бойынша жаңалықтар мен материалдар