Алматыда тұрғын үйдің жертөлесінен есірткі плантациясы анықталды

Тексеруге «102» пультіне есірткі заттарының иісіне ұқсас тән иістің пайда болуы туралы хабарлама себеп болған. Оқиға орнына келген полицейлер тексеру барысында арнайы техниканы пайдалана отырып, жасырын есірткі плантациясын ұйымдастырып, тыйым салынған өсімдіктерді өсіруге жасанды жағдай жасау белгілерін анықтады Жедел іздестіру іс-шараларының нәтижесінде үй-жайды пайдалануға қатысы бар тұлғалар анықталды. Тергеу барысында қарасораға ұқсайтын ондаған өсімдік бұталары, сондай-ақ кептірілген өсімдік қалдықтары табылып, тәркіленді. Сонымен қатар, өсіру және сатуға дайындау үшін пайдаланылатын жабдықтар: жарықтандыру құрылғылары, электронды таразылар, вакуумдық тығыздағыш және температураны бақылау құрылғылары тәркіленді Алматы қалалық ІІД Есірткі қылмысына қарсы күрес басқармасының бастығы Батұржан Әбдімсаров мұндай фактілер ерекше бақылауда екенін баса айтты — Құрамында есірткі бар өсімдіктерді заңсыз өсіру – есірткіні одан әрі таратуға бағытталған қылмыстық тізбектің бір сатысы. Полицейлердің дер кезінде ден қоюы мен жедел жұмысының арқасында бұл дерек анықталып, жолын кесті. Бұл бағыттағы жұмыстар жалғасын табады», - деді ол Күдіктілер полицияға жеткізілді. Аталған факті бойынша сотқа дейінгі тергеу амалдары жүргізілуде