Қырғызстанның оңтүстігінде Ұлттық қауіпсіздік мемлекеттік комитетінің басшысы бастаған лаңкестікке қарсы арнайы операция өтті. Фото

«Түйінді» (АКИpress) – 9 маусымға қараған түні Ұлттық қауіпсіздік комитетінің қызметкерлері «Катиба ат-Таухид валь-Джихад» және «Ислам мемлекеті» халықаралық террористік ұйымдарының (ХТО) белсенді мүшелерін залалсыздандыру бойынша антитеррорлық арнайы операция жүргізді Ұлттық қауіпсіздік комитеті баспасөз қызметінің мәліметінше, экстремистер тәртіп сақшылары мен дін қайраткерлеріне қарсы теракт ұйымдастырмақ болған Осылайша, Ош, Қызыл-Қия қалаларында, Қара-Суу ауданында және Қадамжай ауданындағы Үш-Қоргон ауылында лаңкестікке қарсы операцияның құқықтық режимі енгізілді. Жедел штабқа полиция, шекарашылар, Қорғаныс министрлігінің әскери қызметкерлері, Төтенше жағдайлар, Денсаулық сақтау министрлігінің қызметкерлері, сондай-ақ Президенттің облыстардағы өкілетті өкілдіктері мен Ош қаласы әкімдігінің басшылығы кірді Нәтижесінде 31 күдікті ұсталды, оның 11-і Ош облысында, 20-сы Баткен облысында Тінту кезінде ұсталғандардан діни-экстремистік әдебиеттер, экстремистік материалдары бар электронды тасымалдағыштар, тіркелмеген атыс қаруының төрт бірлігі, террористік ұйымдардың рәміздері және шетелдік террористерді астыртын қаржыландыруға арналған ақшалар табылды Арнайы операцияның барысын Ұлттық қауіпсіздік мемлекеттік комитетінің төрағасы Жұмғалбек Шабданбеков нақты уақыт режимінде ахуал орталығынан бақылап отырды. Ол азаматтардың қауіпсіздігін қамтамасыз етуді, ұсталғандардың байланысын тексеруді, олардың ықтимал сыбайластары мен қаржыландыру арналарын анықтауды тапсырды "Арнайы операция қатаң түрде заңға сәйкес өтті. Қазіргі уақытта Ұлттық қауіпсіздік мемлекеттік комитетінің Бас тергеу басқармасы жедел-іздестіру шараларын жүргізіп жатыр", - деп атап өтті баспасөз қызметі