Ішкі істер министрлігі: Қазақстанда 16,5 мыңнан астам адамға рақымшылық жасалады

Ішкі істер министрлігінің мәліметінше, қылмыстық рақымшылыққа барлығы 16,5 мыңнан астам адам түседі. Олардың ішінде қылмыстық-атқару жүйесі мекемелерінде жазасын өтеп жатқан 5 мыңға жуық сотталған, пробациялық бақылауда 10 мыңнан астам адам, сондай-ақ тергеуде 1,5 мыңға жуық адам бар Ведомствоның мәліметінше, 4,5 мың адам қылмыстық жазадан толығымен босатылады. Оның ішінде 1,5 мың сотталушы мен 3 мың сотталған пробация қызметінің есебінде тұр «Негізінен қылмыстық құқық бұзушылықтар, онша ауыр емес қылмыстар, сондай-ақ залалсыз орташа ауырлықтағы қылмыстар жасаған адамдар босатылады», - деп атап өтті Ішкі істер министрлігі Сонымен қатар тағы 10,5 мың адамға жазаның өтелмеген бөлігін қысқарту қарастырылған. Әңгіме ауыр және аса ауыр қылмыстар үшін сотталған адамдар туралы болып отыр. Оларға қылмыс санатына және жаза мерзіміне қарай сараланған тәсіл қолданылады Министрліктің мәліметінше, мерзімін қысқарту түрмедегі 3,5 мың сотталушыға, сондай-ақ пробация қызметінің есебінде тұрған 7 мыңға жуық адамға әсер етеді Бұған дейін рақымшылық туралы заң жобасын Мәжіліс бірінші оқылымда мақұлдаған болатын. Құжатта қылмыстық рақымшылықтан басқа, алғаш рет қылмыстық рақымшылықпен қатар жүзеге асырылатын әкімшілік амнистия қарастырылған