Талдықорғанда үш жасар баланы ұрып-соққан ер адам сотталды

Оқиға 2 ақпанда белгілі болды.Сол күні кешке полицияға медициналық мекемеден үш жасар баланың жарақатпен ауруханаға жеткізілгені туралы хабарлама түскен Оқиға орнына жеткен полиция қызметкерлері оқиғаның мән-жайын анықтап, күдіктіні ұстады. Бұл баланың әкесі болып шықты. Құқық қорғау органдарының мәліметінше, ер адам ұсталған кезде мас болған Кішкентай науқасқа қажетті медициналық көмек көрсетіліп, содан кейін тәртіп сақшылары сотқа дейінгі тергеу жұмыстарын бастады Жетісу облыстық полиция басқармасының хабарлауынша, тергеу қорытындысы бойынша қылмыстық іс материалдары сотқа жіберілген — Бұл факт 2 ақпанда орын алды. Жедел іздестіру шаралары барысында полиция қызметкерлері күдіктіні анықтап, ұстады. Бұл факті бойынша азаптау және ұрып-соғу белгілері бойынша сотқа дейінгі тергеу жүргізілді. Тергеу қорытындысы бойынша айыптау қорытындысымен қылмыстық іс сотқа жолданды. Талдықорған қалалық сотының 29 мамырдағы үкімімен сотталушы кінәлі деп танылып, төрт жылға бас бостандығынан айырылды, делінген хабарламада Бұдан бұрын хабарланғандай, Алматы облысындағы орта мектептердің бірінде 11-сынып оқушысы мұғалімге ескерту жасап, оны ұрып-соққан