ХЕҰ Түркіменстанның мақта алқаптарында балалар санының артқанын тіркеді

Халықаралық еңбек ұйымының (ХЕҰ) бақылаушылары Түркіменстанда 2025 жылы мақта жинау науқанына қатысатын балалар санының артқанын тіркеді, деп хабарлайды Turkmen.news сарапшы есебіне сілтеме жасап Елімізде 2024 жылдан бастап мақта алқаптарында балалар еңбегін пайдалануға заңмен тыйым салынғанына қарамастан, «ақ алтын» плантацияларында жұмыс істеуге мәжбүр болған жасөспірімдер санының артуы тіркелді Респонденттердің барлық санаттары бұзушылықтар туралы айтты. Мәселен, сауалнамаға қатысқан ересек терімшілердің 20 пайызы осылай десе, 2024 жылы 11 пайыз азаматтар ауылшаруашылық алқаптарында кәмелетке толмағандардың болуына шағымданған. Фермерлер туралы статистика қорқынышты болып көрінеді – балалардың мақта теріп жүргенін байқағандар саны екі есе өсті – 17%-дан 34%-ға дейін ХЕҰ бақылаушылары далалық саяхаттардың 38%-да жасөспірімдерді тіркеді, 2024 жылы бұл көрсеткіш 23%-ды құрады. Әсіресе Дашогуз велаятында балалар еңбегін пайдалануға тыйым салу туралы заңның сақталуына қатысты жағдай нашар, мұнда тексерілген алқаптардың 60%-ға жуығында кәмелетке толмаған мақта өсірушілер байқалған Халықаралық құқық қорғау ұйымдары Түркіменстанды мақта өндірісінде мәжбүрлі және балалар еңбегін пайдаланды деп сынады. Осыған қарамастан түркімен балалары жыл сайын егін жинауға қатысады. Бақылаушылардың пайымдауынша, мұның бір себебі – Түркіменстандағы бағаның үнемі өсіп отырған жағдайында балаларының көмегіне жүгінуге мәжбүр болған отбасылардың көпшілігінің өмір сүру деңгейінің нашарлауы Azattyk Asia © 2026 Азаттық радиосы, Inc. | Барлық құқықтар қорғалған