9 мамырда Мәскеуде мобильді интернет толығымен өшіріледі

Ресейдің Цифрлық даму министрлігі 9 мамырда Жеңіс күнін мерекелеу шаралары кезінде қауіпсіздікті қамтамасыз ету мақсатында Мәскеуде мобильді интернет толығымен шектелетінін ресми түрде хабарлады «Мерекелік іс-шаралардың қауіпсіздігін қамтамасыз ету мақсатында Мәскеуде мобильді интернет пен SMS хабарлама қызметтеріне уақытша шектеу қойылады», - делінген министрлік таратқан хабарламада Сондай-ақ мекеме 7-8 мамырда Ресей астанасының қауіпсіздігіне қауіп төнсе, интернетке «шұғыл түрде» шектеу қойылуы мүмкін екенін атап өтті 4 мамырдан бастап байланыс операторлары Мәскеу мен Санкт-Петербургтегі абоненттерге 5 мамырдан 9 мамырға дейін ұялы байланыстың шектелуі мүмкін екенін ескерте бастады 4 мамырда Ресей Қорғаныс министрлігі 8-9 мамырға біржақты атысты тоқтату туралы жариялады. Бұған жауап ретінде Украина президенті Владимир Зеленский 6 мамырда түн ортасынан бастап «атысты тоқтату режимін» жариялады. Бірақ оның айтуынша, бұл режимді Ресей армиясы бірден дерлік бұзған Ресей билігі 6 мамырда түн ортасынан бері Киевтің татуласу ұсынысына ресми жауап берген жоқ 7 мамырға қараған түні Ресейдің бірнеше аймағына ұшқышсыз ұшақтар шабуыл жасады. Ресей Қорғаныс министрлігі Украинаның 347 ұшқышсыз ұшағы жойылғанын хабарлады Брянск облысының губернаторы Александр Богомаздың айтуынша, шабуылдан 13 адам жараланған. Тверь облысындағы Ржев қаласына да шабуыл жасалды Украинаның Telegram арналары Мәскеу облысының Наро-Фоминск қаласындағы Ресей Қорғаныс министрлігіне қарасты Нара әскери-логистикалық кешені нысанаға алынғанын хабарлады. Бұл ақпарат әлі ресми түрде расталған жоқ