Әлемдік рекорд: қазақстандық бір кеште 100-ден астам халық әнін орындады

Шәкәрім атындағы университетінің өнер кафедрасының оқытушысы, университеттің құрметті профессоры, Қазақстан Республикасы мәдениет саласының үздігі Қайрат Қабышев этномәдениет саласында Азия және Африка елдерінің әлемдік рекордтар кітабына енді Қайрат Арқашұлы рекорд жасау барысында 5 сағат 29 минут ішінде қазақтың 102 дәстүрлі әнін орындады. Регламентке сәйкес, әрбір 25 жұмыстан кейін 15 минуттық үзіліс мүмкіндігі болды, бірақ орындаушы бұл құқығын пайдаланбады. Барлық жұмыстар нотасыз, мәтіндік сүйемелдеусіз немесе саундтрексіз, өздерінің аспаптық сүйемелдеуімен орындалды Рекордты тіркеу нәтижесі бойынша орындаушыға ресми сертификат пен күміс медаль табысталды Шараға Global Best of Records (GBR) халықаралық ұйымының Азия-Африка бөлімшесінің бас рекордшысы Қуандық Құдайберген қатысып, қол жеткізген нәтиженің ерекше сипатын атап өтті Оның айтуынша, әлемдік рекордтар кітабы сарапшыларының шешімімен жетістік ресми түрде тіркеліп, 2026 жылғы басылымға енгізілмек Жобаға сараптамалық бағаны Қазақстанның еңбек сіңірген қайраткері, Құрманғазы атындағы Қазақ ұлттық консерваториясының профессоры Еркін Шүкіман берді. Ол бұл жетістіктің қазақтың дәстүрлі ән өнерін халықаралық деңгейде танытудағы маңызына тоқталды Өз кезегінде Қайрат Қабышев қол жеткізген нәтижеге ұлттық әншілік мектептің дәстүрлері мен ұстаздардың тәлімгерлігі негіз болғанын атап өтті. Оның айтуынша, мұндай бастамалар жастар арасында ұлттық өнерді насихаттауға септігін тигізеді Орнатылған рекорд қазақтың дәстүрлі ән өнерінің халықаралық деңгейде танылғанын және ұлттық мәдениеттің әлемде беделін нығайтқанын дәлелдейді