Шығармашылық үшін миллиондар: мемлекет жас қазақстандықтарды қалай қолдайды

Осындай қолдаудың негізгі құралдарының бірі жемісті ғылыми және шығармашылық қызметі, сондай-ақ жоғары спорттық жетістіктері үшін берілетін «Дарын» мемлекеттік жастар сыйлығы болып қала береді. Бүгінгі таңда оның лауреаттарының саны 380 адамға жетті. Марапат иелеріне лауреат атағы беріледі, диплом, төсбелгі және 1 миллион теңге көлемінде ақшалай сыйлық беріледі 2021 жылдан бастап Мемлекет басшысының бастамасымен жыл сайын 3 миллион теңге көлемінде «Тәуелсіздік ұрпақтары» гранты беріледі. Оның мақсаты – жас қазақстандықтардың жаңа бастамалары мен идеяларын қолдау. Грантты іске асырудың барлық кезеңінде 153 жас оның иегері атанды Белсенді мәдениет қайраткерлеріне де қолдау көрсетілуде. Жыл сайын мәдениет саласы бойынша 75 сала өкіліне мемлекеттік стипендия тағайындалады. Биылдан бастап шәкіртақы екі есеге ұлғайып, 5 миллион теңгені құрайды. Сонымен қатар, Мемлекет басшысының тапсырмасы бойынша дәстүрлі өнер майталмандарын қолдауға және ұлттық мәдениеттің беделін арттыруға бағытталған «Асыл мұра» ұлттық сыйлығы тағайындалуда Мәдениет және ақпарат министрлігі де халықаралық байқаулар мен фестивальдердің жеңімпаздары мен лауреаттарын ынталандырудың жаңа шараларын әзірлеуде. Сараптамалық комиссия музыка, театр, хореография және балет, бейнелеу және сәндік өнер, сондай-ақ кинематография, оның ішінде анимация саласындағы марапаттардың жеңімпаздарын анықтайды деп жоспарлануда Дарынды жастарды халықаралық деңгейде насихаттауға ерекше көңіл бөлінеді. Қазақстандық студенттер, магистранттар, оқытушылар мен мәдениет қызметкерлері Болашақ, Эразмус+, DAAD, Фулбрайт, Чевнинг және басқа да бағдарламалар бойынша оқып, білім алуға мүмкіндік алды. «Шығармашылық индустрия, креативтілік, өнер» бағыты бойынша «Болашақ» стипендиаттары жетекші шетелдік университеттерде, соның ішінде Шотландияның Корольдік консерваториясында, Рединг университетінде, Стэнфорд университетінде және Нью-Йорк киноакадемиясында білім алуда Сонымен қатар, бірқатар халықаралық шығармашылық байқаулардың жеңімпаздары гранттарға ие болып, шығармашылық университеттерге конкурссыз түсе алады. Бұл музыка, вокал, балет, хореография және орындаушылық өнер саласындағы беделді байқауларға қатысты Жас таланттарды қолдау тек мемлекеттік бағдарламалар арқылы ғана емес, шығармашылық мектептер, фестивальдар, байқаулар, білім беру жобалары, қоғамдық және қайырымдылық қорлар арқылы да дамытылады. Соның бір мысалы ретінде 2024 жылы кастинг қорытындысы бойынша Қазақстанның түрлі этностарының өкілдерінен 20 үздік бишілер мен музыканттарды қамтитын «БІРЛІК» көпұлтты ән-би ансамблінің құрылуы болды Шығармашылық индустрияны дамыту қоры қосымша мүмкіндіктер ашуда. Оның жұмысы таланттарды анықтауға және қолдауға, инвестиция тартуға, инфрақұрылымды дамытуға және қазақстандық шығармашылық өнімдерді сыртқы нарыққа шығаруға бағытталған Айта кетерлігі, жыл сайын жоғары оқу орындарында шығармашыл жастарды дайындауға 1000-нан астам, колледждерде 500-ден астам грант бөлінеді