Ел қазынасы саналатын туындылар елге қайтарылады

Әзірбайжанға тиесілі құнды туындылардың шетелдегі түпнұсқа көшірмелерін Әзірбайжанға әкелу мәселесі талқылануда. Бұл туралы бүгін Ұлттық Мәжілістің Мәдениет комитеті «Кітапхана жүйесінің қазіргі жағдайы мен даму перспективалары» тақырыбында өткізген қоғамдық тыңдауда Мәдениет министрі Әділ Кәрімли мәлімдеді, деп хабарлайды Modern.az. Министр халық қазынасы саналатын құнды туындыларды елге жеткізу бағытында жұмыс жалғасып жатқанын атап өтті. Оның айтуынша, бұл процесс тек кітапхана қорын ғана емес, мұражай қорын да байытуды қамтиды. Әділ Кәрімли Ұлттық кітапхананың бұл салада ерекше белсенділік танытып отырғанын айтты. Грузия және басқа елдердің кітапханаларымен ынтымақтастық аясында құнды еңбектердің көшірмелерін алып, Әзірбайжанға әкеліп, Ұлттық кітапханада сақтау бағытында жүйелі жұмыстар жүргізіліп жатқанын баса айтты. Министрдің айтуынша, алдағы уақытта екіжақты келісімдер мен келіссөздер арқылы сол туындылардың түпнұсқаларын елге әкелу мүмкіндіктерін кеңейту жоспарлануда