Сыртқы істер министрлігі АҚШ-та болжамды Қазақстан азаматының мәйіті табылғанын хабарлады

Бұл туралы брифингте Қазақстан Республикасы Сыртқы істер министрлігінің ресми өкілі Ерлан Жетібаев мәлім етті Оның айтуынша, америкалық тарап қазіргі уақытта жеке басын анықтау және барлық мән-жайды анықтау үшін қажетті процедураларды жүргізуде — Қазақстан Республикасының Сыртқы істер министрлігіне АҚШ-тың құзырлы органдарынан Қазақстан азаматы деп есептелген адамның мәйіті табылғаны туралы ақпарат келіп түсті. Америкалық тарап қазір қажетті процедураларды жүргізуде. Біздің дипломаттар АҚШ-тың құзырлы органдарымен және азаматтың туыстарымен байланыста. Оларға қажетті консулдық-құқықтық көмек көрсетіледі», - деді ол Ол американдық тараптың ресми деректері қол жетімді болған сайын қосымша ақпарат берілетінін айтты Бұған дейін Қазақстанның Сыртқы істер министрлігі Чикаго қаласында Қазақстан азаматы Әсет Құралбайдың жоғалып кеткені туралы хабарлаған болатын. Қазақстанның Нью-Йорктегі Бас консулдығы жоғалған азаматтың туыстарымен байланыста, жағдай сыртқы саясат департаментінің бақылауында