Сыртқы істер министрлігі АҚШ-та із-түзсіз жоғалған қазақстандықтың қаза тапқанын растады

Сыртқы істер министрлігі АҚШ-та табылған мәйіт бұрын жоғалған республика азаматы Әсет Құралбайға тиесілі екенін растады Бұған дейін Сыртқы істер министрлігі қазақстандық дипломаттардың Чикагода жоғалып кеткен азаматтың мән-жайын анықтап жатқанын және АҚШ-тың құзырлы органдарымен байланысып жатқанын хабарлаған. Нью-Йорктегі Бас консулдық жоғалған адамның туыстарымен де байланыста болды Кейін Сыртқы істер министрлігінің баспасөз хатшысы Ерлан Жетібаев Америка билігі республика азаматы деп болжанған ер адамның денесін тауып, оның жеке басын анықтау үшін қажетті шараларды жүргізіп жатқанын айтты Тексеру қорытындысы бойынша Сыртқы істер министрлігі табылған адамның Қазақстан азаматы Әсет Құралбай екенін ресми түрде растады. Ведомство оның отбасы мен жақындарына көңіл айтты Қазақстандық дипломаттар АҚШ-тың құзырлы органдарымен және марқұмның туыстарымен байланысын жалғастыруда. Отбасына құжаттарды ресімдеуге және мәйітті елге қайтаруды ұйымдастыруға консулдық көмек көрсетіледі