Қостанай облысында жазғы туристік маусымда қауіпсіздік шаралары күшейтілді

Облыс тұрғындары мен қонақтарының қауіпсіздігін қамтамасыз ету үшін Қостанай облысының Төтенше жағдайлар департаменті ресми жағажайларда және су маңындағы көпшілік демалыс орындарында құтқару бекеттерінің жұмысын ұйымдастырды Ведомствоның мәліметінше, суға түсу маусымында 120 құтқарушы, 35 арнайы техника, 21 жүзу құралдары, сондай-ақ қажетті сүңгуір құралдары мен құтқару құралдары тұрақты дайындықта Сонымен қатар, төтенше жағдайлар қызметінің қызметкерлері бұқаралық ақпарат құралдары мен әлеуметтік желілер арқылы тұрғындарды судағы қауіпсіздік ережелері туралы үнемі хабардар етіп отырады. Маусым басынан бері 29 телевизиялық көрсетілім ұйымдастырылды, баспа басылымдарында 83 мақала жарияланды, әлеуметтік желілерде 347 ақпараттық жарияланым жарияланды және 7 брифинг өткізілді. Қабылданған шаралар кешені облыс тұрғындары мен жазғы уақытта келетін туристер үшін қауіпсіз және жайлы жағдай жасауға бағытталған Өңірде туризм инфрақұрылымын дамытумен қатар өңірдің тартымдылығын және көрсетілетін қызмет сапасын арттыру мақсатында ірі инвестициялық жобалар жүзеге асырылуда 2025 жылдан бастап Қостанай облысында «COURTYARD by Marriott Kostanay» халықаралық қонақ үйлер желісінің төрт жұлдызды қонақ үйінің құрылысы жүргізілуде. Жобаның құны 16 млрд теңгені құрайды. Қонақ үй кешені 142 нөмірден тұратын тоғыз қабатты ғимаратпен ұсынылады Сонымен қатар, Қостанайда француздық NOVOTEL желісінің қонақ үйінің құрылысы басталды. Жоба қаланың жаңа бөлігінде жүзеге асырылуда және 120 нөмірден тұратын бес қабатты қонақ үй кешенінің құрылысын қарастырады. Жобаның құны 5 млрд теңгеге бағаланып отыр Сондай-ақ Қостанай қаласының Триатлон саябағы аумағында биыл жалпы құны 9 млрд теңгені құрайтын «Holiday Inn» халықаралық желісінің қонақүйін салу жоспарлануда. Жоба 150 нөмірден тұратын қонақ үй кешенін құруды көздейді Сарапшылардың пікірінше, жаңа қонақ үй жобаларының жүзеге асырылуы және жалпы туризм инфрақұрылымының дамуы Қостанай облысының туризм саласының жоғары әлеуетін және оның қарқынды дамуын көрсетеді