Мемлекеттік кеңесші: Реформалар тоқтаусыз әрі мақсатты түрде жүргізіліп жатыр

Президенттің бүгін бірқатар конституциялық заңға қол қойып, құқықтық актілер топтамасының бекітілуімен реформаның екінші кезеңі түйінделеді. Мемлекеттік кеңесші Ерлан Қарин әлеуметтік желідегі парақшасында өзгерістердің мән-маңызын тарқатып жазды. Яғни, 1 шілдеден бастап реформаның үшінші кезеңі басталады. Құрылтай депутаттарының сайлауы өтеді, одан кейін Қазақстан Халық Кеңесі құрылады. Ізін ала биліктің өзге де негізгі институттары жаңарады. Ерлан Қариннің сөзінше реформалардың жалпы қисыны кезең-кезеңімен жүзеге асырылуында. Алдымен тұжырымдама, содан соң құқықтық база, одан кейін мемлекеттің саяси моделінің жаңаруы. Өзгерістердің қарқынына да ерекше назар аударған жөн. Реформалар тоқтаусыз әрі мақсатты түрде жүргізілуде. Сондай-ақ нақты әрі салмақты сабақтастыққа негізделген. Мұның барлығы Мемлекет басшысының саяси стиліне тән дүниелер – деп атап өтті Мемлекеттік кеңесші