Мемлекет басшысы АҚШ президентінің арнайы өкілін қабылдады

Мемлекет басшысы АҚШ Президентінің Оңтүстік және Орталық Азия бойынша арнайы өкілі Серджио Горды қабылдады. Президент еліміздің Америка Құрама Штаттарымен кеңейтілген стратегиялық серіктестікті одан әрі нығайтуға бейіл екенін растады. Тараптар бірлескен сауда-экономикалық және инвестициялық жобаларды жүзеге асыру, сондай-ақ аса маңызды минералдар мен көлік-логистика және басқа да салалардағы ықпалдастықты талқылады. Қазақстан тең құрылтайшыларының бірі болған Бейбітшілік кеңесінің қызметіне ерекше назар аударылды. Қасым-Жомарт Тоқаев еліміз халықаралық тұрақтылық пен гуманитарлық бастамаларға үлес қосуға дайын екенін айтты. Сондай-ақ өңірлік және жаһандық күн тәртібіндегі өзекті мәселелер сөз болды. Серджио Гор кездесу үшін алғыс айтып, Президент Дональд Трамптың сәлемін жеткізді. Кейінгі жылдың өзінде 20 миллиард долларға келісім жасалғанын атап өтті. Мемлекет басшысы жыл соңында Дональд Трамппен кездесуі мүмкін екенін айтып, Майамиде өтетін G20 саммитіне қатысуға шақырғаны үшін ризашылығын білдірді