Батыс Қазақстан облысында медициналық қалдықтар заңсыз тасталды: Денсаулық сақтау министрлігі бұл мәселені өз бақылауына алды

Денсаулық сақтау министрлігінде атап өткендей, бұзушылық фактісі анықталғаннан кейін санитарлық-эпидемиологиялық қызмет, құқық қорғау органдары мен табиғатты қорғау бөлімшелерінің қатысуымен кешенді тексеру шаралары ұйымдастырылды — Жедел іс-шаралар аясында «Кемел» ЖП өкілдері полиция қызметкерлерінің қатысуымен жалпы көлемі 144 келі болатын анықталған медициналық қалдықтарды жинады. Барлық материалдар тәркіленіп, кәсіпорын аумағына орналастырылып, айғақ ретінде мөр басылды. Қоршаған ортаға және санитарлық-эпидемиологиялық жағдайға ықтимал әсерді бағалау үшін мамандар топырақ үлгілерін алды. Микробиологиялық және санитарлық-химиялық көрсеткіштер бойынша зертханалық зерттеулер жүргізіледі. Сонымен бірге анықталған бұзушылық орнында және оған жақын аумақта толық көлемде дезинфекциялау жұмыстары жүргізілді», - делінген ведомство хабарламасында Денсаулық сақтау министрлігі медициналық қалдықтармен дұрыс жұмыс істемеу жағдайлары санитарлық-эпидемиологиялық талаптарды өрескел бұзу болып саналатынын және халықтың денсаулығына қауіп төндіретінін атап өтті — Тексеру материалдары одан әрі құқықтық баға беру үшін уәкілетті органдарға берілді. Тергеу нәтижелері бойынша кінәлі тұлғалар Қазақстан Республикасының заңнамасына сәйкес жауапкершілікке тартылады. Зертханалық зерттеулердің алдын ала нәтижелері 3-7 күн ішінде күтілуде, деп қосты ведомство Бұған дейін Батыс Қазақстан облысындағы ауылдық полигонда қан түтіктері мен шприцтер табылғаны хабарланған болатын