Батыс Қазақстан облысындағы ауылдық полигоннан медициналық қалдықтар табылды

Қоғам белсендісі Алмагүл Ықсанованың айтуынша, қауіпті медициналық қалдықтар инфекцияның таралу көзіне айналуы мүмкін «Оқиға орнына прокуратура өкілдерін шақырып, тиісті шара қолдануды сұрадық.Медициналық қалдықтар шығарылған жерден алыс емес жерде өзен ағып жатыр, - дейді А.Ықсанова ҚазАқпарат агенттігінің тілшісі Батыс Қазақстан облысы бойынша санитарлық-эпидемиологиялық бақылау департаментіне ресми сауал жолдады Бәйтерек аудандық санитарлық-эпидемиологиялық бақылау басқармасының мәліметінше, 5 маусымда Байқоныс ауылындағы полигон аумағынан медициналық қалдықтар, оның ішінде пайдаланылған шприцтер мен биологиялық материалдары бар пробиркалар табылды Хабарламаны алғаннан кейін бөлім мамандары полиция және басқа да мүдделі мемлекеттік органдардың қызметкерлерімен бірге оқиға орнына шұғыл жетті. Тексеру барысында полигонда шынымен де медициналық қалдықтардың бар екені расталды — Бұл факті бойынша материал полицияға тіркелді. Оқиғаның барлық мән-жайын анықтау үшін тергеу амалдары жүргізілуде. Алдын ала болжам бойынша, қалдықтарды медициналық қалдықтарды жинап, кәдеге жарататын ұйым әкелген болуы мүмкін. Қазір бұл аумақ тиісті органдардың бақылауында. Тексеру қорытындысы бойынша кінәлі тұлғалардың әрекеттеріне құқықтық баға беріліп, Қазақстан Республикасының заңнамасына сәйкес шаралар қабылданатын болады. Қосымша ақпарат тексеру аяқталғаннан кейін беріледі, делінген ресми жауапта Бәйтерек ауданы әкімдігінен хабарлағандай, 4 маусым күні сағат 23:30 шамасында Байқоныс ауылдық округі аумағында орналасқан қатты тұрмыстық қалдықтар полигонында «ГАЗель» автокөлігімен қалдықтарды заңсыз түсіру фактісі анықталды Әкімдіктің хабарлауынша, тексеру барысында аталған тұлғаны құқық қорғау органдары медициналық және ветеринариялық мақсатта сынақтар алу үшін пайдаланылған пробиркаларды, сондай-ақ басқа да медициналық қалдықтарды түсіру кезінде ұстаған Оқиға орнына аудан прокуратурасы мен санитарлық-эпидемиологиялық бақылау бөлімінің өкілдері жетіп, тиісті тексеру жұмыстарын жүргізді. Қазіргі уақытта аталған фактіге қатысты барлық мән-жай анықталып, тергеу амалдары жүргізілуде. Санитарлық-эпидемиологиялық бақылау қызметінің мамандары әкімшілік хаттама жасады — Құқық қорғау органдары бұл іс бойынша тергеу жүргізіп жатыр. Жағдай жергілікті атқарушы органдардың тұрақты бақылауында», - делінген аудан әкімдігі таратқан хабарламада Батыс Қазақстанда тазарту қондырғысы маңында ағынды су ағып жатқаны бұған дейін хабарланған болатын