Маңғыстауда теңіз жағасына бекіре тұқымдас балықтардың өлексесі қалқып шыққан

Маңғыстауда теңіз жағалауынан бекіре тұқымдас балықтардың өлекселері табылып жатыр Балықтар Түпқараған ауданы Форт-Шевченко мен Баутин елді-мекендері жағалауларынан және Бозашы, Қаражанбас кен орындарына жақын жағалаулардан табылған. Құлалы аралынан да өлген бекірелер анықталып жатыр. «Қазақ балық» қауымдастығының мәліметінше, бекіре тұқымдас балықтар итбалық өлекселерімен қатар шықты. Соңғы рет 1-маусым күні жағалаудан 20 итбалық пен 8 бекіре балығының өлексесі жиналған. Осы деректер бойынша экологтар жағалаудан су сынамаларын алған. Бірақ, мамандар сынаманы теңіздің ортасынан, көрші мемлекеттердің аумағы және теңіздегі мұнай кен орындарынан алу қажеттігін айтады