Өзбекстан мен Колумбия матчы 2026 жылғы әлем чемпионатына билеттер сатылымы бойынша көш бастады

Өзбекстан мен Колумбия құрамалары арасындағы матч 2026 жылғы әлем чемпионаты ойындары арасында билет сату бойынша әзірге ең жоғары нәтижені көрсетіп отыр. Бұл туралы «Futbolium» Telegram-арнасында өзбек футболшысы Әлішер Никимбаев хабарлады Оның айтуынша, ойынға 74 725 билет сатылған. Бұл көрсеткіш 73 373 билет сатылған Мексика – Оңтүстік Африка және 73 719 билет сатылған Бразилия – Марокко матчтарынан жоғары Өзбекстан құрамасы алғаш рет әлем чемпионатында өнер көрсетеді. Топтық кезеңде Фабио Каннаваро шәкірттері Колумбия, Португалия және Конго Демократиялық Республикасымен ойнайды Өзбекстан құрамасы турнирдегі алғашқы ойынын Колумбияға қарсы өткізеді. Матч 18 маусымда Мехикодағы «Ацтека» стадионында өтеді Әлем чемпионатының ашылуы да Ацтекада Мексика мен Оңтүстік Африка құрамалары арасындағы ойынмен өтеді. Стадион 81 мыңнан астам көрерменге арналған Бұған дейін хабарлағанымыздай, 2026 жылғы әлем чемпионатына дайындық аясында Өзбекстан құрамасы Голландиямен сынақ ойынын өткізді. Ойын 1:2 есебімен аяқталды: Өзбекстан құрамасының қақпасына Игорь Сергеев гол соқты, ал Нидерланды қақпасына екі голды да Коди Гакпо пенальтиден соқты Қатені тапсаңыз, мәтін бөлігін таңдап, Ctrl+Enter пернелерін басыңыз