Марадонаның өліміне қатысты іс бойынша судья алдына екі дәрігер келді

Аргентинаның астанасы Буэнос-Айрестегі Сан-Исидро қылмыстық сотында өткен сот отырысында Марадонаны жеке клиникада емдеген екі дәрігер футболшының соңғы кездегі денсаулық жағдайы туралы ақпарат берді. Дәрігерлер Марадонаның өлімінен аз уақыт бұрын қан қысымын көтеретін дәрілерді қолдануды тоқтатқанын алға тартып, жүрегі ауыр дертке шалдыққан бұрынғы футболшының денсаулығы осы себепті нашарлаған болуы мүмкін екенін айтты Прокуратура Марадонаның бұрыннан жүрек аурулары мен түрлі патологиялары бар екенін алға тартты, бірақ іс бойынша айыпталушы ретінде сотталған медициналық топ бұл жағдайды жеткілікті түрде ескермеді Аргентинада жалғасып жатқан іс Марадонаның өлімінің алдын алуға бола ма деген сұраққа бағытталған. Прокуратура үй жағдайында жүргізілген емнің жеткіліксіз болғанын, тұрақты медициналық тексерулер жүргізілмегенін, Марадонаның денсаулығы нашарлағанымен, қажетті араласулар дер кезінде жасалмағанын алға тартады. Прокурор сонымен қатар Марадонаның дәрігерлер тобы аты аңызға айналған футболшыға қажетті медициналық көмек көрсетпей, оны «тағдырына қалдырды» деген уәж айтады. Осы тұрғыда 7 медицина қызметкері, соның ішінде нейрохирург Леопольдо Луке, психиатр Агустина Косачов, медбикелер мен денсаулық сақтау үйлестірушілері сотталуда Марадонаның өлімінен кейін тергеу ашылып, аты аңызға айналған футболшының өліміне себепкер болған 7 күдікті, оның ішінде Марадонаның нейрохирургы Леопольдо Луке мен психиатр Агустина Косачов айыпталды Футбол тарихындағы ең үздік ойыншылардың бірі Марадона 2020 жылдың 25 қарашасында Аргентина, Буэнос-Айрес провинциясының Тигре қаласында «созылмалы жүрек жеткіліксіздігінің салдарынан жедел өкпе ісінуі» салдарынан қайтыс болды