Қарқаралыда өткен гастрофестивалде Қазақстанның ең үздік қымыздары таңдалды

Қарқаралыда Қазақстанның ең үздік қымыздары таңдалды, деп хабарлайды «Kazakh Tourism» ҰК» АҚ 20 мыңнан астам қонақтың басын қосқан BaiQymyz этно-гастрофестивалінде еліміздегі ең үздік қымыз өндіруші атағына арналған байқаудың қорытындысы шығарылды. Алдын ала іріктеуден және өнімдерді зертханалық тексеруден өткен 37 өндіруші жеңіске таласты Финалға дейін қатысушылар күрделі іріктеуден өтті: мамандар зертханаларда сусынның сапасын тексеріп, шаруашылықтардың жұмысын бағалады. Жеңімпаздарды ғалымдар, қоғам және мәдениет қайраткерлерінен құралған қазылар алқасы анықтады. Фестиваль қонақтары өздерінің сүйікті қымызына да дауыс бере алды 5 миллион теңге көлеміндегі бас жүлде мен үздік қымызшы атағын «Қарқаралы Ақтерек» бренді иеленді (Ақтерек ауылынан И.П. Мұхамед-Әли) "Еңбек жемісін берді. Ата-анам қымыз өндірумен айналысты, 17 жыл бойы отбасым екеуміз олардың жолын жалғастырдық. Жұмысты бастағанда бір ғана биеміз бар. BaiQymyz - өте жақсы жоба. Бұл алғашқы қадам ғана деп ойлаймын. Халықаралық нарыққа шығу жоспарымызда бар", - дейді жеңімпаз Бұрхан Жолтаев Көшбасшылар қатарында Қарқаралыдан «Тоқпан қымыз», Ұлытау өңірінен «Жаңаарқа қымыз» да болды Фестиваль қонақтарына 30 тоннаға жуық қымыз ұсынылып, келушілер үшін этноауылдар, ұлттық спорт түрлерінен жарыстар, қолөнершілер көрмелері және үлкен концерттік бағдарлама ұйымдастырылды Биылдан бастап BaiQymyz мәдени-туристік іс-шаралардың республикалық күнтізбесіне енгізілді және жыл сайын өткізілетін болады Сондай-ақ оқыңыз: Аспаздық дәстүрлерді сақтай отырып: Астанада ең жақсы қымыз таңдалды Informburo.kz сайтынан сәйкес тақырыптар бойынша жаңалықтар мен материалдар