Лондонда Албандық христиандық Қарабах мұрасына арналған интерактивті алаңның тұсауы кесілді

Лондондағы Корольдік өнер қоғамында Әзірбайжан Республикасы Мәдениет министрлігінің қаржылық қолдауымен әзірленген «Шын оқиға: Кавказ Албаниясының Қарабахтағы христиандық мұрасы» интерактивті платформасының тұсаукесері өтті Бұл туралы ҚазАқпарат тілшісіне жоба жетекшісі, «Қоғаммен байланыстарды дамыту» қоғамдық бірлестігінің төрайымы, еңбек сіңірген журналист Шалала Гасанова хабарлады Интерактивті алаңның тұсаукесер рәсімінде сөйлеген сөзінде Шалала Гасанова Әзірбайжан Республикасының Президенті Ильхам Әлиевтің Кавказ Албаниясының христиандық мұрасын қорғау және оны халықаралық қауымдастыққа жеткізуге қатысты ұстанымына сүйене отырып, ол басқаратын ұйым жаудан азат етілген аумақтарда орналасқан албан шіркеулерін қамтитын виртуалды платформа әзірлегенін айтты Жобаның бірегейлігі – азат етілген аумақтардың интерактивті картасында бір платформада алғаш рет 150 албан храмы ұсынылған. Шіркеулердің басым көпшілігінде олардың албан мұрасына жататынын растайтын тарихи деректер мен дереккөздер орналастырылған. Платформа толерантты және көп мәдениетті Әзірбайжанның ежелгі христиандық мұрасын көрсетумен қатар, Қарабахтағы ежелгі шіркеулердің армян емес, Кавказ Албаниясына тиесілі діни ескерткіштер екенін фактілермен ашады Жобаның басты мақсаты – Әзірбайжанның бай христиандық мұрасын халықаралық қауымдастыққа таныстыру, оккупациядан азат етілген аумақтарда орналасқан Кавказ Албаниясына тиесілі діни және мәдени ескерткіштердің бар екенін кең аудиторияға жеткізу, сонымен бірге еліміздің тарихи қалыптасқан толеранттылық пен көпмәдениеттілік құндылықтарын көрсету екені баса айтылды. Сирек кездесетін тарихи дереккөздер мен фактілер негізінде дайындалған интерактивті карта халықаралық қоғамдастықтағы қате түсініктерді жоюға және армян насихатына фактілерге негізделген көзқарасты нығайтуға қызмет ететіні айтылды Платформа армян топтары мен оларды қолдайтын кейбір батыс саясаткерлерінің Қарабахтағы армян діни мұрасының жойылды деген болжамды мәлімдемелерін фактілер негізінде жоққа шығарады және сонымен бірге азат етілген аумақтардағы албан христиан мұрасының жүйелі және жан-жақты көрінісін ұсынады Хожавенд ауданындағы 54 албан шіркеуінің, Ағдарада 26, Лачинде 21, Ходжалыда 17, Қалбажарда 16, Агдамда 6, Шушада 4, Губадлиде 3, Зангиланда 2, Физулиде 1 албан шіркеуінің нақты географиялық координаттары интерактивті картада көрсетілген. Сайтта картадан басқа Әзірбайжанның албан христиан мұрасы туралы кітаптар, ғылыми мақалалар мен тарихи материалдар да орналастырылған Жоба жетекшісі Шалала Гасанова Әзербайжан Республикасының Мәдениет министрлігіне, Сыртқы істер министрлігіне, Британ-Әзірбайжан қоғамының жетекшісі Фарида Панаховаға, Лондон-Әзербайжан әйелдер клубының жетекшісі Севил Аслановаға, диаспора өкілдері мен академиялық топ өкілдеріне жобаны жүзеге асыруға және ұйымдастыруға қолдау көрсеткені үшін алғысын білдірді Тұсаукесерден кейінгі пікірталастарда сөз алған «CF Eurasia» партиясының негізін қалаушы Бота Төре Хопкинсон сайт пен интерактивті картаның қоғамдық-саяси маңыздылығына тоқталды. Ол бұл платформаны Әзірбайжанның діни және мәдени мұрасын халықаралық қоғамдастыққа толыққанды таныстыруға маңызды үлес қосқан жоба ретінде жоғары бағалады Іс-шараға Әзербайжанның Ұлыбританиядағы Елшілігінің саяси мәселелер жөніндегі кеңесшісі Гүнел Салимова да қатысты 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек