Импортқа тәуелділікті сақтай отырып, жеңіл өнеркәсіп 2,2 есе өсті

Премьер-Министр Олжас Бектенов Мемлекет басшысының экономиканы әртараптандыру және отандық өндірісті қолдау жөніндегі тапсырмалары аясында жеңіл өнеркәсіпті дамыту мәселелері бойынша кеңес өткізді Отырысқа Ұлттық экономика, өнеркәсіп және құрылыс, ауыл шаруашылығы, қаржы министрліктерінің, «Самұрық-Қазына» қорының, «Атамекен» Ұлттық кәсіпкерлер палатасының, «Бәйтерек» холдингінің және басқа да ұйымдардың өкілдері қатысты Премьер-Министрдің орынбасары – Ұлттық экономика министрі Серік Жұманғарин саланың әлеуметтік маңыздылығын атап өтті. Оның айтуынша, жеңіл өнеркәсіпте жұмыс істейтіндердің 60 пайызын әйелдер құрайды Саланың ағымдағы жағдайы, кедергілері мен даму перспективалары туралы Индустрия және құрылыс министрі Ерсайын Нағаспаев баяндады. Ведомствоның мәліметінше, 2025 жылдың қорытындысы бойынша жеңіл өнеркәсіпте өндірілген өнім көлемі 260 млрд теңгеге жеткен. Ағымдағы жылдың басынан бері өңдеу өнеркәсібі 9,9 пайызға, жеңіл өнеркәсіптегі өнім 2,2 есеге өсті. Бұл ретте сала импорттың жоғары үлесін сақтап отыр Жиында қайта өңдеу мен дайын өнім өндіруді арттыру шаралары талқыланды. Кәсіпорындарды жаңғыртуға, қайта өңдеу қуаттарын кеңейтуге, жергіліктендіруді арттыруға, отандық тауар өндірушілерді оқытуға және бәсекеге қабілеттілігін арттыруға ерекше назар аударылды Кәсіпкерлікті атаулы қолдау мәселелері де қарастырылған. Осы мақсатта отандық тауарларды, жұмыстарды, қызметтерді өндірушілердің тізілімі жұмыс істейді. «Атамекен» ҰКП Төралқа Төрағасы Қанат Шарлапаев қауіпсіздік талаптарына сәйкестігін бақылау үшін арнайы мақсаттағы жеңіл өнеркәсіп өнімдерін сертификаттауды дамытуды ұсынды Бектенов өңдеуші секторды дамыту Президент Қасым-Жомарт Тоқаев алға қойған міндеттердің бірі болып қала беретінін атап өтті. Оның айтуынша, жеңіл өнеркәсіптің әлеуметтік мәні жоғары, сондықтан отандық тауар өндірушілерді қолдау шараларын кеңейту қажет Кеңес қорытындысы бойынша Премьер-Министр өндірушілерге өнім көлемін ұлғайту үшін қосымша ынталандырулар беретін және нарықтарға кепілдік берілген қолжетімділікті қамтамасыз ететін модель әзірлеуді тапсырды