Ластаев қыз алып қашудың салт-дәстүрге еш қатысы жоқ екенін айтты

Адам құқықтары жөніндегі уәкіл Артур Ластаев қалыңдық ұрлау қылмыс екенін және оны мәдениетке, дәстүрге, отбасылық немесе өмірлік жағдайларға сілтеме жасау арқылы ақтау мүмкін емес екенін айтты Оның айтуынша, былтыр күзде Қазақстанда қыз алып қашу үшін қылмыстық жауапкершілікті белгілейтін заң күшіне енген. Уәкіл бұл мәселе 2023 жылдан бері көтеріліп, сараптамалық-түсіндіру жұмыстары жүргізіліп келе жатқанын атап өтті Ластаев Қылмыстық кодекстің 125-бабы бойынша адам ұрлау үшін 15 жылға дейін бас бостандығынан айыру жазасы қарастырылатынын еске салды. Ол мұндай қылмыстың қазақ халқының салт-дәстүріне де, әдет-ғұрып заңына да еш қатысы жоқ екенін баса айтты Уәкіл сондай-ақ, неке заңға сәйкес мемлекет тіркеген ер мен әйелдің ерікті және тең одағы ретінде айқындалатын Конституцияға сілтеме жасады. Оның айтуынша, отбасын құруға шешім қабылдаған кәмелетке толған азаматтар бұл құқығын қатынастарды ресми тіркеу арқылы пайдалана алады