Қырғызстандағы 13 медициналық оқу орны аккредитациядан өте алмады

Денсаулық сақтау министрлігі Қырғызстандағы 13 медициналық оқу орнының аккредитациядан өте алмағанын хабарлады Олар: «Авиценна» халықаралық медицинасы, ADAM, Roel Metropolitan, Альтамими, «Ала-Тоо», Халықаралық медицина, Салымбеков атындағы медицина және ғылым, Орталық Азия, Еуразия және Ош халықаралық медициналық университеттері. Сонымен қатар, Қырғыз медициналық-стоматологиялық және Бішкек халықаралық медициналық институттары аккредитациядан өтпеді Ош мемлекеттік университеті, «Халықаралық Қырғызстан университеті» оқу-ғылыми-өндірістік кешені, Халықаралық жоғары медицина мектебі және Тентішев атындағы Азия халықаралық университетіне алты жыл жұмыс істеуге рұқсат етілді Сонымен қатар тағы жеті оқу орны бір жыл мерзімге аккредитациядан өтті Денсаулық сақтау министрлігі аккредиттеу профессорлық-оқытушылық құрамның сапасы, клиникалық базасы, материалдық-техникалық ресурстары, білім беру бағдарламалары мен мамандарды дайындау негізінде берілгенін хабарлады Ресми мәлімет бойынша, Қырғызстанда медицина саласында 34 жоғары оқу орны бар. Оның 12-сі мемлекеттік, қалған 22-сі жекеменшік 2025 жылдың тамызында Президент Садыр Жапаров «Медицина саласында мамандар даярлауға мемлекеттік монополияны енгізу туралы» жарлыққа қол қойды Оған сәйкес, Иса Ахунбаев атындағы Қырғыз мемлекеттік медицина академиясына ерекше құқық беріліп, медицина саласына мамандар даярлауға мемлекеттік монополия енгізілген. Аккредитациядан өтпеген жекеменшік мектептер білім беру қызметін тек ЖОО-ға дейінгі дайындық курстары немесе оқу-клиникалық базалар форматында жүргізе алады. Олар толығымен Қырғыз мемлекеттік медицина академиясының бақылауында. (BTo)