Кувейт Иранға нота беріп, дипломаттарын «персона нон грата» деп жариялады

Иранның уақытша сенімді өкілі Кувейт Сыртқы істер министрлігіне шақырылды «Kuwait Times» газетінің хабарлауынша, ирандық дипломатқа Теһранның әрекетіне қатысты ресми наразылық берілген Сонымен бірге Кувейт билігі Ирандағы дипломатиялық өкілдік қызметкерлерінің санын қысқартып, екі ирандық дипломатты «персона нон грата» деп жариялап, олардың 24 сағат ішінде елден кетуін талап етті Шешім Иранның Кувейтке жасаған әуе шабуылына қатысты қабылданды Кувейт Қорғаныс министрлігі Иран ұшырған 13 баллистикалық зымыран мен 17 ұшқышсыз ұшақтың залалсыздандырылғанын хабарлады. Зымыран қалдықтарының тұрғын үйлерге құлағаны хабарланды Министрліктің баспасөз хатшысы Сауд Абдулазиз әл-Отайби шабуылды «Иранның қылмыстық агрессиясы» деп атап, азаматтық нысандар, соның ішінде Кувейт халықаралық әуежайы нысанаға алынғанын атап өтті Ақпаратқа сәйкес, шабуылдың салдарынан бір адам, яғни Үндістан азаматы қаза тауып, 60-тан астам адам жараланып, елеулі материалдық шығын келтірілген Ресми Теһран Кувейт пен Бахрейннің АҚШ-тың Иранға жасаған шабуылдарына тікелей жауапты екенін айтады