Қазақстандағы демалыс орындары демалыс маусымының басталуына дайындалып үлгермеді

Бүгін үкімет отырысында Қазақстандағы туризмді дамыту мәселесі талқыланды. Туризм және спорт министрі Ербол Мырзабосынов қаржы тапшылығына байланысты еліміздегі демалыс орындарының барлығы шомылу маусымына дайын емес екенін айтты Мәселен, Алакөл жағасындағы Жетісу өңірінде қаржыландыру жеткіліксіз болғандықтан өткен жылдан бері жағалауды бекіту жұмыстары аяқталмай келеді "Қабылданған шараларға қарамастан, бірқатар өңірлерде туризм инфрақұрылымын дамыту мәселелері шешілмей отыр. Оларды жүзеге асыру республикалық деңгейде қолдауды қажет етеді", - деді министр Щучье-Боровск курорттық аймағында Громотуха өзені арқылы өтетін көпір құрылысына, сондай-ақ жол инфрақұрылымын жаңғыртуға қаражат жеткіліксіз Абай ауданында инфрақұрылымдық нысандар бойынша құрылыс-монтаждау жұмыстары, соның ішінде электрмен жабдықтау, жағалауды қорғау, айналма жол, тазарту құрылыстары мен қатты тұрмыстық қалдықтар полигоны құрылысы әлі басталған жоқ Жағалауды жазғы маусымға дайындау мәселесі де бар. Кейбір аудандарда жағажай инфрақұрылымы ұлттық стандарттарға сәйкес келмейді «Қалқымалы бөгеттер, құтқару мұнаралары, киім ауыстыратын кабиналар мен санитарлық тораптар жеткіліксіз», - деді Мырзабосынов Ол әкімдіктерге 15 маусымға дейін барлық өңірлердегі жұмыстарды аяқтауды тапсырды Бұған дейін Курсив Қазақстандағы жазғы демалысқа арналған негізгі үш демалыс орнының аты аталғанын жазған