Мемлекеттік қызметтік көліктер қайда барады: Қазақстанда 3500-ден астам көлік сатылды

Қазақстан Республикасы Қаржы министрлігі Мемлекеттік мүлік және жекешелендіру комитетінің ҚазАқпарат агенттігінің ресми сауалына берген жауабына сәйкес, 2020 жылдан бері мемлекеттік органдар мен республикалық заңды тұлғалардың балансында тұрған 3500-ден астам автокөлік сатылған Ведомствоның мәліметінше, қызметтік автокөліктерді сату жекешелендіру рәсімі аясында жүзеге асырылады. Аукциондар электрондық форматта мемлекеттік мүлік тізілімінің e-kazyna веб-порталында өткізіледі — Соңғы 6 жылда көліктерді осындай аукцион арқылы сатудан мемлекет қазынасына 5 миллиард теңгеден астам кіріс түсті. Заңға сәйкес республикалық меншікті жекешелендіруден түскен қаражат Ұлттық қорға аударылады. Мемлекеттік органдар тиісті негізсіз көліктерін саудаға шығармайды. Әдетте, аукционға қажетсіз, бұрыннан қолданыста болған немесе одан әрі техникалық қызмет көрсету экономикалық тұрғыдан тиімсіз деп танылған көліктер шығарылады, делінген құжатта Комитеттің мәліметінше, ағымдағы жылдың 1 мамырындағы жағдай бойынша мемлекеттік органдар мен республикалық ұйымдардың балансында тұрған 183 автокөлік аукционға шығарылды Аукционға қатысу тәртібі де түсінікті. Аукционға Қазақстан азаматтары мен мемлекеттік емес заңды тұлғалар e-kazyna веб-порталында тіркеліп, кепілдік жарнаны төлегеннен кейін қатыса алады. Кепілдік жарна лоттың бастапқы құнының 15% құрайды Мемлекеттік мүлікті сату толығымен электронды жүйе арқылы жүзеге асырылатындықтан, қатысушылар туралы ақпарат аукцион аяқталғанша жарияланбайды. Жеңімпаз да автоматты түрде анықталады Бұған дейін e-qazyna.kz порталында 10 жылға бас бостандығынан айырылған Перизат Қайратқа тиесілі Mercedes-Benz S450 көлігі сатылған болатын