Куба жаңа санкцияларға ұшырады

АҚШ Куба президенті Мигель Диас-Канель мен оның отбасы мүшелеріне қарсы санкция салды. Бұл туралы 4 маусымда АҚШ Қаржы министрлігі Шетелдік активтерді бақылау басқармасының (OFAC) сайтында хабарланды 60 жастағы Диас-Канель 2018 жылы оның алдындағы Рауль Кастро биліктен кеткеннен бері президент болып келеді АҚШ Қаржы министрлігінің қара тізіміне Куба қарулы күштері мен 1960 жылы 28 қыркүйекте Фидель Кастроның бастамасымен құрылған және «революциялық қырағылықтың» жалпыұлттық жүйесін білдіретін ең ірі бұқаралық қоғамдық ұйым – революцияны қорғау комитеттері де кіреді. ҚЗР негізгі қызметі – халықтың көңіл-күйі туралы ақпарат жинау және ықтимал «контрреволюциялық» әрекеттерді анықтау. Оларды «революцияның көзі мен құлағы» деп атайды Американың санкциялар тізіміндегі жаңа есімдер арасында Кубаның бұрынғы басшысы Рауль Кастроның немересі Рауль Алехандро Кастро Калис пен оның әкесі, кубалық барлау қызметінің аға офицері, полковник Алехандро Кастро Эспина да бар АҚШ президенті Дональд Трамптың әкімшілігі Кубаға жанармай қоршауын енгізді және Коммунистік партияның 67 жылдық билігін тоқтату үшін Гаванаға қысымды ұдайы арттыруда