Алматыда көлік сатуға байланысты жанжал пышақпен аяқталды

Алдын ала мәлімет бойынша, екі ер адам келісім шарттарын талқылау үшін кездесуге келісті, деп хабарлады полиция департаменті. Келіссөздер барысында олардың арасында жанжал туындап, ол заңсыз әрекеттерге ұласқан: қатысушылардың бірі қарсыласында ақшасы бар банк картасы бар екенін біліп, оны пышақтап тастаған, содан кейін ол көлікті иемденіп, оқиға орнынан бой тасалаған Зардап шегуші дереу ауруханаға жатқызылды. Қазір оған қажетті медициналық көмек көрсетілуде Қылмыс туралы хабар түскеннен кейін бірден қалада «Ұстау» жоспары енгізілді. Барлық патрульдік бригадалар күдікті мен ұрланған көлікті іздеуге жұмылдырылды Полиция қызметкерлерінің жедел және келісілген іс-әрекетінің нәтижесінде қысқа мерзімде күдікті анықталып, Райымбек даңғылы бойында тосқауыл қойылып, ұсталды. Одан айғақ заттар тәркіленді Қазір ұсталған азамат уақытша ұстау изоляторына қамалды. Аталған факті бойынша сотқа дейінгі тергеу амалдары жүргізілуде. Полицейлер оқиғаның барлық мән-жайын анықтауда Айта кетерлігі, Қазақстанда көлік ұрлығы жыл өткен сайын азайып келеді. Дегенмен, көліксіз қалу немесе іздеуде жүрген көлікті кездейсоқ сатып алу қаупі әлі де бар. Бұған дейін ҚазАқпарат сатып алу кезінде өзіңізді қорғауға қандай қадамдар көмектесетінін анықтаған болатын