Ұлттық қауіпсіздік комитеті Атырау қаласы әкімінің орынбасарына қатысты тергеуді растады

Бірнеше күн бұрын әлеуметтік желілерде Атырау қаласы әкімінің орынбасары Мейіржан Мұқасов пен «Қалалық тұрғын үйлерге коммуналдық қызмет көрсету» ЖШС бас директорының орынбасары Бейбіт Мағзұмовтың ұсталғаны туралы ақпарат пайда болды. Сондай-ақ қала әкімі Шәкір Кейкиннің түсініктеме беру үшін Ұлттық қауіпсіздік комитетінің Атырау облысы бойынша департаментіне жұмыс уақытында шақырылғаны хабарланды Бұл ақпарат пайда болғаннан кейін адвокат Нұрлан Жолболов қала әкімі мен оның орынбасарынан құқық қорғау органдары қарап жатқан қылмыстық іс аясында жауап алынғанын мәлімдеді Осыған байланысты біз Қазақстан Республикасы Ұлттық қауіпсіздік комитетіне аталған ақпаратты растау немесе жоққа шығару туралы ресми сауал жолдадық — Сотқа дейінгі тергеу жүріп жатқанын хабарлаймыз. Қылмыстық-процестік кодекстің 201-бабының 1-тармағына сәйкес өзге мәліметтер жария етуге жатпайды, делінген ҚР ҰҚК департаментінің басшысы О.Бектеновтің жауабында Бұған дейін Ұлттық қауіпсіздік комитеті Шығыс Қазақстан облысы сотының қылмыстық істер жөніндегі алқа басшысының ұсталғанын растаған болатын