Көмір кенішіндегі ірі апат: 90 жұмысшы қаза тапты

Қытайдың Шаньси провинциясының Цинюань ауданындағы Люшеньюй көмір кенішінде жергілікті уақыт бойынша сағат 19.29-да ірі газ жарылыс болды. Жарылыс кезінде шахтада барлығы 247 жұмысшының болғаны анықталды. Қытайдың ресми ақпарат құралдары таратқан соңғы деректерге қарағанда, жер астындағы күшті жарылыс салдарынан 90 адам қаза тапты Оқиғадан кейін дағдарыс үстелін құрған Қытай Төтенше жағдайлар министрлігі құтқару жұмыстары туралы мәліметтермен бөлісті. Министрлік жасаған мәлімдемеде жарылыс болған шахтаға арнайы техникасы бар 6 ұлттық тау-кен апаттық-құтқару жасағының жөнелтілгені айтылды. Жалпы саны 345 адамнан тұратын бұл кәсіпқой топтардың қазір шахтадағы іздеу-құтқару жұмыстарын тоқтаусыз жалғастырып жатқаны айтылды ҚХР Төрағасы Си Цзиньпин көп адам шығынынан кейін мемлекеттің тиісті мекемелеріне шұғыл нұсқаулар берді. Си Цзиньпин құзырлы органдарға іздестіру-құтқару жұмыстарын мұқият жүргізіп, апаттың себебін мұқият тексеруді тапсырды Сондай-ақ Президент жүргізілетін тергеу жұмыстарының нәтижесінде кінәлілерді жауапкершілікке тартуды тапсырды Дереккөз: İhlas News Agency